خلیجی ممالک کی جانب سے متحدہ سیاحتی ویزا جی سی سی گرینڈ ٹور ویزا کے نوے روزہ مدت کے لیے اجراء کی تیاریاں مکمل کر لی گیئں۔
خلیجی تعاون کونسل (GCC) کے رکن ممالک نے ایک ہی ویزے پر تمام چھ رکن ممالک کے متحدہ سیاحتی ویزے کے اجرا کی تیاریاں مکمل کر لی ہیں۔ اس ویزے کو ’جی سی سی گرینڈ ٹور ویزا‘ کا نام دیا گیا ہے، جو سیاحوں کو سعودی عرب، متحدہ عرب امارات، قطر، کویت، بحرین اور سلطنتِ عمان کے درمیان ایک ہی ویزے پر آزادانہ سفر کی سہولت فراہم کرے گا۔ اس کو 2025آخر تک ٹرایل کے لیے جاری کیا جائے گا۔
متحدہ عرب امارات کی وزارتِ معیشت و سیاحت کے مطابق اس ویزے کے لیے مشترکہ الیکٹرانک درخواست کے ذریعے اپلائی کیا جا سکے گا اور اس ویزے پر جو ایک یا ایک سے زائد ممالک میں داخلے کی اجازت دے گی۔ ویزے کا پائلٹ منصوبہ 2025 کی آخری سہ ماہی میں شروع کیا جائے گا۔
یہ ویزا مکمل ڈیجیٹل عمل پر مبنی ہوگا، جس کے تحت سیاح آن لائن فارم جمع کرانے، دستاویزات اپ لوڈ کرنے اور فیس کی ادائیگی جیسے تمام مراحل ایک ہی پلیٹ فارم کے ذریعے مکمل کر سکیں گے۔ اس ویزے کے تحت قیام کی مدت 30 سے 90 دن تک ہوگی، تاکہ سیاح خلیجی خطے کے مختلف ممالک اور ثقافتوں کو بہتر انداز میں دریافت کر سکیں۔
اس وزیے کے حصول کے لیے درست پاسپورٹ، ذاتی تصویر، ہوٹل بکنگ، طبی انشورنس، واپسی کی ٹکٹ اور مالی استطاعت کا ثبوت ہونا ضروری ہو گا۔ اس ویزے کا اجراء خلیجی ممالک میں سیاحت کو فروغ دینے کی غرض سے کای جا رہا ہے تا کہ تیل کی آمدن پت انحصار کم کیا جائے ۔
