غیر ملکی میڈیا کے مطابق دبئی ایئر شو میں بھارتی فضائی کو اس وقت سبکی کا سامنا کر نا پڑا جب بھارتی تیجس طیارہ گر کر تباہ ہوگیا۔ پائلٹ کو نکلنےکا موقع نہیں ملا۔ترجمان بھارتی فضائیہ نے حادثے میں پائلٹ کی ہلاکت کی تصدیق کردی، بیان میں کہا گیا ہے کہ حادثے کی وجوہات جاننے کیلئے تحقیقات کر رہے ہیں۔
عینی شاہدین کے مطابق طیارہ کرتب دکھاتے ہوئے تیزی سے زمین کی جانب آیا، رن وے کے قریب طیارہ زمین سے ٹکرایا، پھر شعلے بلند ہوئے۔
یہ بھی پڑھئیے
پاکستان نے مئی میں بھارت کے خلاف جنگ میں فوجی برتری حاصل کی،امریکی کانگریس رپورٹ – urdureport.com
امریکی ایف-35 یا روسی ایس یو 57,ففتھ جنریشن اسٹیلتھ فائٹرمیں کس کو برتری – urdureport.com
بھارتی صحافی کے مطابق بھارتی طیارے کو تجربہ کار پائلٹ ونگ کمانڈر وکرم سنگھ اڑا رہے تھے، حادثے میں ونگ کمانڈر وکرم سنگھ ہلاک ہوگئے ہیں۔ حادثے کے بعد دبئی ایئر شو عارضی طور پر معطل کردیا گیا۔
دبئی ایئر شو میں بھارتی طیارہ گرنے کے بعد تیجس طیارہ بنانے والی کمپنی کے شیئرز گر گئے۔ ہندوستان ایروناٹکس کے شیئرز میں 2.62 فیصد کمی آئی۔
خیال رہے کہ تکنیکی خرابی کے باوجود طیارے کو ایئر شو میں شامل کیا گیا، آئل لیک کی وجہ سے تیجس طیارہ پہلے ہی سوشل میڈیا پر تماشہ بنا ہوا تھا۔
