سوشل میڈیا پلیٹ فارم ایکس نے ایک نیا فیچر متعارف کروایا ہے جس کے ذریعے آجکل لوگ یہ جاننے کی کو شش کر رہے ہیں کہ ان کے دوست رشتہ دار مشہور شخصیات یا پھر سرکاری اکاونٹس کہا ں سے آپریٹ ہو رہے ہیں۔لوگ جاننا چا ہتے ہیں کہ کون کہاں سے ٹویٹ کر تا ہے اور اس نے اپنا اکاونٹ کس ملک یا شہر کے نام کے ساتھ جوڑا ہوا ہے۔
ایکس نے جو فیچر متعارف کروایا اس میں اب صارفین اپنے علاوہ دوسروں کی پروفائلز پر جا کر یہ دیکھ سکیں گے کہ کسی فرد یا اکاؤنٹ کا اصل مقام کیا ہے اور وہ وہ پلیٹ فارم پر کس سے بات کر رہے ہیں۔
گذشتہ رات اس فیچر کا اعلان کرتے ہوئے ایکس کے ہیڈ آف پراڈکٹ نکیتا بئیر کا کہنا تھا کہ ’چند گھنٹوں میں ہم About This Account (اس اکاؤنٹ کی معلومات) کے فیچر کو عالمی سطح پر متعارف کرائیں گے، جس سے آپ دیکھ سکیں گے کہ کوئی اکاؤنٹ کس ملک یا علاقے میں واقع ہے۔
ان کا مزید کہنا تھا کہ ان ممالک کے لیے جہاں اظہارِ رائے پر پابندیاں ہیں، پرائیویسی ٹولز شامل کیے گئے ہیں تاکہ صارف صرف اپنا علاقہ ظاہر کر سکے اور تفصیلی لوکیشن نہ دکھائی جائے۔یہ معلومات پروفائل پر ایکس پر اکاؤنٹ بنانے کی تاریخ پر ٹیپ کرنے سے دستیاب ہو گی۔‘
اپ کسی کے بھی اکاونٹ پر جا کر پروفائل میں جایں اور joindیعنی اکاونٹ بنا نے کی تاریخ پر جا کر ٹیپ کر یں اپ کو پتہ چل جا ئے گا کہ اکاونٹ کس ملک میں basedہے کتنے usernameتبدیل کر چکا ہے اور کس سے connectکیا گیا۔
صارفین اب بہتر انداز میں فیصلہ کر سکیں کہ وہ جس اکاؤنٹ کے ساتھ بات کر رہے ہیں وہ حقیقی ہے یا کوئی بوٹ یا نفرت پھیلانے والا اکاؤنٹ ہے یا اسے جھوٹی معلومات پھیلانے والا اکاونٹ تو نہیں ہے۔
