معروف بھارتی اداکار و کامیڈین کپل شرما نے کینیڈا میں اپنے کیفے پر ہونے والے فائرنگ کے واقعات پر ردعمل دے دیا ہے ان کا کہنا تھا کہ ہر فائرنگ کے بعد ہمارے کیفے میں گاہک بڑھ گئے۔ اگر خدا آپ کے ساتھ ہے، تو سب ٹھیک ہے۔
خیال رہے کہ کپل شرما کے کینیڈا میں کیفے کھولنے کے چند دنوں بعد جولائی میں فائرنگ کا پہلا واقعہ پیش آیا تھا، جس کے بعد 7 اگست اور 16 اکتوبر کو دو مزید حملے ہوئے تھے، تاہم ان واقعات میں کوئی زخمی نہیں ہوا۔
اپنی آنیوالی فلم ’کس کس کو پیار کروں 2 ‘ کے ٹریلر کی تعارفی تقریب میں میڈیا سے گفتگو کرتے ہوئے کپل شرما نے کہا کہ میرے کیفے پر تین بار فائرنگ کی گئی اور یہ معاملہ کینیڈا کی پارلیمنٹ تک پہنچ گیا۔
انہوں نے کہا کہ یہ واقعہ وینکوور میں ہوا۔ وہاں پولیس کے پاس ایسی صورتحال پر قابو پانے کے لیے مناسب اختیارات نہیں ہیں۔ جیسے ہمارے پاس مرکزی حکومت ہے۔
یہ بھی پرھئیے
کپل شرما کے کیفے پر بشنوئی گینگ کا حملہ،جیل میں قید 32سالہ گینگسٹر کی کاروائی – urdureport.com
لارنس بشنوئی،32سالہ نوجوان جو جیل سے گینگ چلاتا ہے،کینیڈا نے بڑا فیصلہ کر دیا۔ – urdureport.com
بھارتی اداکار نے مزید کہا کہ اس واقعے کے بعد کینیڈا کی حکومت نے شہریوں کی حفاظت کے لیے اقدامات کیے ہیں، میرا ماننا ہے کہ جو کچھ بھی خدا کرتا ہے، ہم اکثر اس کی کہانی نہیں سمجھتے۔
کپل شرما نے کہا کہ میں نے کبھی خود کو ممبئی یا اپنے ملک میں غیر محفوظ محسوس نہیں کیا، ممبئی پولیس جیسی کوئی نہیں۔
