کمشنر کراچی نے گل پلازا کی حتمی تحقیقاتی رپورٹ تیار کر لی جس میں کہا گیا ہے کہ آگ لگنے سے 79 اموات ہوئی ہیں، زیادہ تر اموات گل پلازا کے میزنائن فلور پر ہوئیں۔
رپورٹ کمشنر کراچی اور ایڈیشنل آئی جی پر مشتمل کمیٹی نے تیار کی ہے۔کمشنر کراچی گل پلازا میں لگنے والی آگ کی رپورٹ وزیر اعلیٰ سندھ مراد علی شاہ کو پیش کریں گے۔
ذرائع کے مطابق رپورٹ میں آگ لگنے کی وجوہات، آگ بجھانے سمیت ریسکیو سے متعلق تفصیلات شامل کی گئی ہیں۔
یہ بھی پڑھیے
آر ڈی اے کا بڑا ایکشن، فیصل ٹاؤن کے خلاف مبینہ لینڈ فراڈ پر مقدمہ درج – urdureport.com
22 لاکھ کی گاڑی کے لیے ڈیڑھ کروڑ روپے کی نمبر پلیٹ، عمران خان کا نام غائب – urdureport.com
حتمی تحقیقاتی رپورٹ کے مطابق گل پلازا میں گراؤنڈ فلور پر موجود بچے کے ہاتھوں پھولوں کی دکان میں آگ لگی، آگ تیزی سے اور ایئر کنڈیشن کی ڈکٹ کی طرف سے پھیلی۔
رپورٹ کے مطابق گل پلازا میں آگ رات 10 بج کر 15 منٹ پر لگی، رات 10:26 پر فائر بریگیڈ کو آگ کی اطلاع ملی، پہلا فائر ٹینڈر 11 منٹ کے اندر 10:37 پر گل پلازا پہنچا۔
