کینیڈا کا مری، بینف — جہاں قدرت اپنی خوبصورتی کے لیے کسی تعارف کی محتاج نہیں

تحریر طارق اقبال چوہدری

اپ پاکستان میں رہتے ہوں یا وزٹ پر کنیڈا آئیں ایک انگڑائی جو دل میں جنم لیتی ہے کہ پاکستان میں مری ،ہنزہ یا سکردو جایا جائے جہاں حسن قدرت کے رنگوں کو اپنے اندر سموئے ہوئے ہے۔ ایسی ہی صورتحال کینیڈا کے شہریوں یا سیاحوں ہوتی ہے کہ کینڈا کے مری یعنی بینف Banff Canada شہر کا ایک بار وزٹ کریں جہاں قدرت اپنی خوبصورتی خود بیان کرتی ہے۔

کینیڈا کے صوبے البرٹا (Alberta) میں واقع بینف (Banff) ایک ایسا دلکش شہر ہے جو قدرتی حسن اور تاریخی اہمیت دونوں کے لحاظ سے دنیا بھر میں مشہور ہے۔ یہ قصبہ کینیڈین راکی پہاڑوں (Canadian Rockies) کے دامن میں واقع ہے اور اپنے بلند و بالا پہاڑوں، نیلگوں جھیلوں اور سرسبز وادیوں کی وجہ سے سیاحوں کا خواب سمجھا جاتا ہے۔

ویسے تو اپ کو کینیڈا کے وزٹ پر جانے نے کا موقع ملے تو کینیڈا کی سرزمین پر اترتے ہی ایک تازہ ہوا کے جھونکے کا احساس ہو گا لیکن بینف کی جنت نظیر وادی میں تازگی اور رعنائی کا ایسا لطف اور نظارہ دیکھنے کو ملے گا کہ انسان اپنا وجود کچھ لمحات کے لیے قدرتی خوبصورت اور کشش میں کھو دیتا ہے۔ بینف کی بلندی سطحِ سمندر سے تقریباً 4,500 فٹ ہے، جس کی وجہ سے یہاں کی فضا ٹھنڈی اور صاف رہتی ہے۔

بینف کا تاریخی پس منظر اور گرم پانی کے چشمے

بینف کی تاریخ 1883ء سے منسلک ہے اس وقت کینیڈین پیسیفک ریلوے کے مزدوروں نے یہاں قدرتی گرم پانی کے چشمے دریافت کیے اس دریافت کے ساتھ ہی کینیڈا کی حکومت نے اس علاقے کو محفوظ قرار دے کر نیشنل پارک Banff National Park قائم کیا۔ یوں یہ کینیڈا کا پہلا نیشنل پارک بنا۔یہ پارک کینیڈا میں سیاحت کے آغاز کی علامت سمجھا جاتا ہے۔ آج بھی وہ گرم چشمے “Banff Upper Hot Springs” کے نام سے دنیا بھر کے سیاحوں کو اپنی طرف کھینچتے ہیں۔

بینف میں قدرتی حسن کی جھلکیاں

بینف کو قدرت نے حسن کی دولت سے مالا مال کیا ہے۔ یہاں ہر سمت برف سے ڈھکے پہاڑ، نیلے آسمان کے عکس میں چمکتی جھیلیں اور سبز جنگلات دیکھنے کو ملتے ہیں بینف میں جہا ں سیاح خاص طور پر جانا پسند کرتے ہیں وہ اس میں موجود لیک لوئیز lake Louiseہے اس کے علاوہ یہا ں لیک مورین Lake Moraine,بو فالس Bow Falls,اور بینف گنڈولا Banff Gondola شامل ہیں۔بینف گونڈولا (Banff Gondola) — ایک کیبل کار جو سیاحوں کو Sulphur Mountain کی چوٹی تک لے جاتی ہے جہاں سے پورے علاقے کا نظارہ کیا جا سکتا ہے۔

تفریح اور مہم جوئی

بینف ایسا علا قہ ہے جب اپ لیک سے سیر کر کے واپس بینف شہر کا رخ کر یں تو یوں محسوس کر یں گے جیسے جنت کی کسی وادی کا رخ کیا ہو، شہر میں سیاحوں کے لیے ہر موسم میں تفریحی مواقع فراہم کرتا ہے۔سردیوں میں یہاں سنو بورڈنگ، اسکیئنگ اور آئس اسکیٹنگ کا لطف اٹھایا جاتا ہے۔گرمیوں کے موسم میں ہائیکنگ، کیمپنگ، کشتی رانی ۔ اور سائیکلنگ سب سے زیادہ مقبول ہیں۔

جنگلی حیات اور فطرت

بینف نیشنل پارک حیاتیاتی تنوع کے لحاظ سے بھی بہت اہم ہے۔ یہاں ریچھ، ہرن، بھیڑئیے، ماؤنٹین گوتھ، ایلغ، اور نایاب پرندے پائے جاتے ہیں۔ یہا ں کی خوبصورتی یہ ہے کہ ان جنگلی جانوروں کو سڑک کراس کر نے کے لیے طویہ فاصلہ طے نہیں کر نا پڑتا بلکہ نیشنل پارک کے اندر اس طرح سے پلڈیزائن کیے ہوئے ہیں مکہ جانور ایک جانب سے دوسری جانب آسانی کے ساتھ ان پلوں سے گزر جاتے ہیں ۔یہ علاقہ جنگلی حیات کے قدرتی ماحول کو محفوظ رکھنے کے حوالے سے دنیا بھر کے ماہرین کے لیے ایک ماڈل سمجھا جاتا ہے۔

بینف میں ماحولیاتی تحفظ

بینف دنیا کے اُن چند مقامات میں سے ایک ہے جہاں ماحولیاتی تحفظ کو اولین ترجیح دی جاتی ہے۔یہاں پلاسٹک کے استعمال پر پابندی ہے اور سیاحوں کو قدرتی ماحول کے احترام کا پابند بنایا گیا ہے۔ صفائی کا نظام مکمل طور پر ماحول دوست ہے۔ یہی وجہ ہے کہ بینف کو “Eco-Friendly Destination” کہا جاتا ہے۔

بینف میں ایشائی ثقافتی رنگ

بینف ایک چھوٹا مگر زندہ دل شہر ہے۔ یہاں کے لوگ نہایت مہمان نواز ہیں اور دنیا بھر سے آنے والے سیاحوں کا خیر مقدم کرتے ہیں۔ چو نکہ کینیدا میں ایک اچھی خاصی کمیونٹی کا تعلق پاکستان اور بھارت سے ہے اسی نسبت سے یہا ں بھی دوسرے شہروں کی طرح کھانے پینے کے لیے ایشائی فوڈ اور انگریزی فوڈ کے سٹال ہوٹل اپ کو بکثرت مل جا یں گے۔
شہر کی مرکزی گلیوں میں خوبصورت کیفے، آرٹ گیلریاں، اور ہاتھ سے بنے یادگاری تحائف فروخت کرنے والی دکانیں

موجود ہیں۔

ہر سال یہاں Banff Mountain Film and Book Festival منعقد ہوتا ہے، جس میں دنیا بھر کے کوہ پیما، مصنف، اور فلم ساز شریک ہوتے ہیں۔یہ ایک شاندار تقریب ہوتی ہے ۔

بینف صرف ایک سیاحتی مقام نہیں بلکہ ایک احساس ہے ،سکون، فطرت، اور تاریخ کا حسین امتزاج۔
یہاں کا ہر منظر ایک تصویر کی طرح دل میں نقش ہو جاتا ہے۔

یہ بھی پڑھیں

نیاگرا فالز قدرت کا عظیم شاہکار، دنیا کیوں اسے عجوبہ قرار دیتی ہے؟ – urdureport.co

ٹورنٹو کی ‘ڈانڈس’ سٹریٹ جس نام سے ہی لاکھوں غلام زندگی کی بازی ہار گئے – urdureport.com

مغلوں کا شاہی محلہ جہاں آج لاھور کے باسی "کھانوں کے اڈوں” پر لطف دوبالا کرتے ہیں – urdureport.com