بوسٹن: فیفا ورلڈ کپ 2026 میں پیراگوئے نے شاندار کارکردگی کا مظاہرہ کرتے ہوئے چار مرتبہ کی عالمی چیمپئن جرمنی کو پینلٹی شوٹ آؤٹ میں شکست دے کر پری کوارٹر فائنل (راؤنڈ آف 16) کے لیے کوالیفائی کر لیا۔
میچ کے مقررہ 90 منٹ اور اضافی 30 منٹ کے اختتام پر دونوں ٹیمیں ایک، ایک گول سے برابر تھیں، جس کے بعد فیصلہ پنالٹی شوٹ آؤٹ پر ہوا۔ پیراگوئے نے اعصاب شکن مقابلے میں جرمنی کو شکست دے کر ٹورنامنٹ کا بڑا اپ سیٹ کر دیا۔
گیم پر کنٹرول
جرمنی نے آغاز ہی سے گیند پر زیادہ کنٹرول رکھا اور متعدد حملے کیے، تاہم پیراگوئے کی مضبوط دفاعی لائن اور گول کیپر اورلینڈو گل (Orlando Gill) نے جرمن فارورڈز لیروئے سانے (Leroy Sané)، فلوریان ویرٹز (Florian Wirtz) اور کائی ہاورٹز (Kai Havertz) کو کامیاب نہ ہونے دیا۔
پہلے ہاف کے اختتام سے قبل پیراگوئے نے برتری حاصل کی، جب ماتیاس گالارزا (Matías Galarza) کے عمدہ کراس پر جولیو اینسیسو (Julio Enciso) نے ہیڈر کے ذریعے گیند جال میں پہنچا دی۔
دوسرا ہاف
دوسرے ہاف میں جرمنی نے واپسی کرتے ہوئے فلوریان ویرٹز کے کراس پر کائی ہاورٹز کے ہیڈر سے اسکور برابر کر دیا۔ اس کے بعد دونوں ٹیموں نے کئی مواقع پیدا کیے، لیکن کوئی بھی فیصلہ کن گول نہ کر سکی۔
مذید خبریں
رونالڈو کی میسی سے ٹکراو پر دلچسپ رائے، ’یہ شاندار لمحہ ہوگا‘ – urdureport.com
میسی نے ورلڈ کپ میں تاریخ رقم کر دی، مسلسل 7 میچوں میں گول کرنے فٹبالر – urdureport.com
اضافی وقت میں جرمن ٹیم نے ایک گول بھی کیا، تاہم ریفری نے فاؤل کی وجہ سے اسے مسترد کر دیا، جس کے بعد مقابلہ پنالٹی شوٹ آؤٹ میں داخل ہوگیا۔
شوٹ آؤٹ کے دوران پیراگوئے کے گول کیپر اورلینڈو گل نے کائی ہاورٹز کی پہلی پنالٹی بچا کر اپنی ٹیم کو برتری دلائی۔ آخر میں خوسے کینالیس (José Canale) نے فیصلہ کن پنالٹی اسکور کر کے پیراگوئے کو تاریخی فتح دلا دی۔
اس کامیابی کے بعد پیراگوئے اب 4 جولائی کو فلاڈیلفیا (Philadelphia) میں فرانس (France) اور سویڈن (Sweden) کے درمیان ہونے والے میچ کی فاتح ٹیم کے خلاف پری کوارٹر فائنل میں میدان میں اترے گا۔ جب کہ برازیل نے دو کے مقابلے میں ایک گول سے جاپان کو ہرا دیا۔
