پاکستان اور انڈیا کی کرکٹ ٹیمیں ٹی20 ورلڈ کپ میں 15 فروری کو کولمبو کے آر پریماداسا سٹیڈیم میں مدِمقابل ہوں گی اور اس میچ کے لیے ہر شخص گراوند مین جا کر دیکھنے کا خواہشمند ہے۔
اس دلچسپی کا اندازہ اس بات سے لگایا جا سکتا ہے کہ گراؤنڈ کی تمام ٹکٹس فروخت ہو چکی ہیں اور ایئرلائنز نے ٹکٹس کی قیمتیں بھی بڑھا دی ہیں۔
13 فروری سے 16 فروری کے درمیان نئی دہلی سے کولمبو آنے والی پروازوں کے ایک ٹکٹ کی قیمت 76 ہزار سے ایک لاکھ انڈین روپے کے بیچ میں ہے۔
اسی طرح سری لنکن ایئر لائنز اور انڈیگو کے ایک ٹکٹ کی قیمت 60 ہزار سے 1 لاکھ 11 ہزار انڈین روپے کے بیچ میں ہے۔
قبل ازیں پاکستان نے بنگلہ دیش کے معاملے پرانڈیا سے میچ کھیلنے سے انکار کر دیا تھا۔ تاہم بعد میں سری لنکا، بنگلہ دیش کرکٹ بورڈز اور انٹرنیشنل کرکٹ کونسل نے پاکستان کو انڈیا کے خلاف میچ کھیلنے کے لیے قائل کر لیا۔
کولمبو کا گراونڈ چھوٹا پڑ گیا اس آر پریماداسا سٹیڈیم میں صرف 28 ہزار افراد کی گنجائش ہے،آئی سی سی کی ویب سائٹ پر جاری ہونے والے اس میچ کے تمام ٹکٹس پہلے ہی فروخت ہو چکے ہیں۔سری لنکن بورڈ نے اب مزید پانچ ہزار ٹکٹس فروخت کرنے کا فیصلہ کیا ہے۔
میچ دیکھنے کے لیے لوگوں مین دلچسپی اس قدر بڑھ چکی ہے کہ ٹکٹس کے حوالے سے 88 ہزار انکوائریز موصول ہو چکی ہیں۔ٹکٹوں کی آن لائن بکنگ ہوچکی ہے۔
پاک بھارت میچ کے ٹکتٹس کی قیمیتیں بھی بڑھ چکی ہیں وی آئی پی ٹکٹ کی قیمت 50 ہزار روپے ہے۔ اس کے علاوہ ہمارے پاس 25 ہزار، 20 ہزار، 15 ہزار اور 10 ہزار کے ٹکٹس بھی موجود ہیں۔
یہ بھی پڑھئِے
