پاکستان میں اب مقامی سطح پر موبائل فون بنیں گے، مقامی سطح پر موبائل فونز کی تیاری کے حوالے سے پالیسی تیار کر لی گئی۔
حکام کا کہنا ہے کہ دوہزار تینتیس تک موبائل فونز میں پچاس فیصد لوکلائزیشن حاصل کرنا ہے۔ پچاس ہزار ہنرمند افرادی قوت تیار کی جائے گی جن میں پندرہ ہزار اسپیشلسٹ شامل ہوں گے۔
معاون خصوصی برائے صنعت و پیداوار نے کہا کہ موبائل اینڈ الیکٹرانکس مینوفیکچرنگ پالیسی جلد وزیراعظم کو پیش کی جائے گی۔
موبائل فون اور دیگر الیکٹرانکس ڈیوائسز پاکستان میں تیار ہوں گی، معاون خصوصی برائے صنعت و پیداوار ہارون اختر کا کہنا ہے پالیسی پاکستان میں اسمبلنگ سے مکمل مینوفیکچرنگ کی جانب ایک بڑا قدم ہے۔
یہ بھی پڑھئیے
انسان مریخ پر کہاں قدم رکھے گا جگہ کا تعین کر لیا گیا – urdureport.com
معاونِ خصوصی ہارون اختر خان کی زیرِ صدارت موبائل اینڈ الیکٹرانکس ڈیوائسز مینوفیکچرنگ پالیسی پر اعلیٰ سطح کا اجلاس ہوا۔ مینوفیکچرنگ پالیسی دوہزار چھبیس تا دوہزار تینتیس پر تفصیلی بریفنگ دی گئی ۔
معاون خصوصی ہارون اختر کا کہنا تھا کہ موبائل اینڈ الیکٹرانکس مینوفیکچرنگ پالیسی تمام اسٹیک ہولڈرز سے مشاورت کے بعد تیار کی گئی ہے ۔ اس پالیسی کے تحت عالمی برانڈز پاکستان میں مینوفیکچرنگ کریں گے جبکہ مقامی برانڈز کو بھی بااختیار بنایا جائے گا۔
