ایمریٹس ائیر لائن کی جانب سے پاور بینک کی پابندیوں کے بارے میں حالیہ اعلان کے بعد ایک اور ائیر لائن فلائی دبئی نے یکم اکتوبر 2025 سے سفر کرنے والے مسافروں کے لیے تازہ ترین رہنما خطوط جاری کیے ہیں اس سے قبل اقدام ایمریٹس نے اٹھایا تھا،ایمریٹس کے بعد متحدہ عرب امارات کی ایک اور ایئرلائن نے پاور بینکوں پر پابندی عائد کردی۔
یہ اقدام فلا ئی دبئی کی جانب اس وقت سامنے آیا ہے جب متحدہ عرب امارات کی ایئر لائنز حفاظتی وجوہات کی بناء پر جہاز میں پورٹیبل بیٹریوں کے استعمال پر قوانین کو سخت کر چکی ہے۔
ایئر لائن نے ایک بیان میں کہا کہ مسافر اپنے ہینڈ بیگ میں فی شخص ایک پاور بینک لے جا سکتے ہیں، بشرطیکہ اس کی واٹ آور (Wh) ریٹنگ 100Wh یا اس سے کم ہو، جو ڈیوائس پر واضح طور پر نشان زد ہو۔
100Wh سے زیادہ کی ڈیوائسز سختی سے ممنوع ہیں۔
پرواز کے دوران پاور بینک کا استعمال سختی سے ممنوع ہے، بشمول چارجنگ ڈیوائسز یا پاور بینک خود ہوائی جہاز کے پاور ساکٹ کے ذریعے کی گئی ہو۔
