ایران کے ساتھ معاہدے پر دستخط چند گھنٹوں میں متوقع ہیں ،ٹرمپ

امریکی صدر ڈونلڈ ٹرمپ Donald Trump نے کہا ہے کہ ایران کے ساتھ ممکنہ امن معاہدہ اب بھی حتمی مراحل کے قریب ہے، تاہم لبنان کے دارالحکومت بیروت Beirut پر اسرا*ئیلی حملے کے بعد اس عمل میں وقتی تاخیر پیدا ہو گئی ہے۔

غیر ملکی خبر رساں ایجنسی کے مطابق صدر ٹرمپ نے امریکی ویب سائٹ ایکسیوس سے گفتگو میں بتایا کہ معاہدے پر دستخط چند گھنٹوں میں متوقع تھے، لیکن بیروت پر حملے کے باعث پیش رفت متاثر ہوئی ہے۔ ان کے مطابق دستخط اب بھی متوقع ہیں مگر وقت آگے بڑھ گیا ہے۔

صدر ٹرمپ کی تنقید

صدر ٹرمپ نے اسرا*ئیلی وزیرِاعظم پر سخت تنقید کرتے ہوئے کہا کہ یہ حملہ ایسے وقت میں کیا گیا جب معاہدہ تقریباً طے ہو چکا تھا۔ انہوں نے کہا کہ انہیں یقین نہیں آیا کہ صرف ایک گھنٹے پہلے ایسا اقدام کیا گیا۔

دوسری جانب ایران کے چیف مذاکرات کار اور پارلیمنٹ کے اسپیکر Mohammad Bagher Ghalibaf نے کہا ہے کہ بیروت پر حملے نے واضح کر دیا ہے کہ امریکہ یا تو اپنے وعدوں پر عملدرآمد نہیں کر سکتا یا اس کی صلاحیت نہیں رکھتا۔ ان کے مطابق ایسے حالات میں مذاکرات جاری رکھنا بے فائدہ ہو سکتا ہے۔

مذید خبریں

ٹرمپ کا آج اتوار معاہدے کا دعویٰ :سپریم لیڈر کے خون کا کیا بنا ،ایران میں احتجاج – urdureport.com

ایران اور امریکا ممکنہ معاہدے کے قریب، چند دنوں میں اعلان متوقع – urdureport.com

ایرانی فوجی کمانڈر Mohammad Jaafar Asadi نے خبردار کیا ہے کہ بیروت پر حملے کا جواب دیا جا سکتا ہے اور یہ کارروائی بغیر ردعمل کے نہیں رہے گی۔