لاہور میں دو غیر ملکی خواتین کی جانب سے اغوا، مبینہ زیادتی اور بھتہ طلبی کے سنگین الزامات کے بعد پولیس نے محمد رضا ڈار سمیت پانچ افراد کے خلاف مقدمہ درج کر لیا ہے۔پولیس نے ملزمان کو گرفتار کر لیا۔عدالت نے چاروں ملزمان کو پانچ روزہ جسمانی ریمانڈ پر پولیس کے حوالے کر دیا۔
مقدمہ تھانہ ڈیفنس سی میں متاثرہ خواتین کی درخواست پر درج کیا گیا۔ ایف آئی آر کے مطابق ایک خاتون کا تعلق ہالینڈ جبکہ دوسری کا تعلق وینزویلا سے ہے۔ان کو علی رضا ڈار اور باس نے نشانہ بنایا اب باس کون پولیس تحقیقات میں مصروف۔
ایف آئی آر کا متن
شکایت میں الزام عائد کیا گیا ہے کہ ملزمان نے دونوں خواتین کو مبینہ طور پر اغوا کیا، ان کے ساتھ جنسی زیادتی کی اور رہائی کے بدلے بھاری رقم کا مطالبہ بھی کیا۔
پولیس کا کہنا ہے کہ مقدمہ درج ہونے کے بعد تحقیقات کا باقاعدہ آغاز کر دیا گیا ہے۔ تفتیشی ٹیم تمام الزامات کا شواہد کی بنیاد پر جائزہ لے رہی ہے، جبکہ حکام کے مطابق قانونی کارروائی میرٹ پر آگے بڑھائی جائے گی۔
مذید خبریں
سور کا گوشت کھانے پر خاتون کے دماغ میں 32 کیڑوں کی پیدائش – urdureport.com
امریکہ: اربوں ڈالر کے جعلی مالی فراڈ میں چینی ارب پتی 30 سال قید کی سزا – urdureport.com
واضح رہے کہ محمد رضا ڈار کے بارے میں دعویٰ کیا جا رہا ہے کہ وہ نائب وزیراعظم اسحاق ڈار کے رشتے دار ہیں، تاہم اس حوالے سے سرکاری سطح پر کوئی باضابطہ تصدیق سامنے نہیں آئی۔
کیس میں پیشرفت
لاہور میں دو غیر ملکی خواتین سے مبینہ اغوا اور ریپ کے کیس میں جمعے کو مقامی عدالت نے گرفتار چاروں ملزمان کو پانچ روزہ جسمانی ریمانڈ پر پولیس کے حوالے کر دیا ہے۔پنجاب کے دارالحکومت لاہور میں وزیر اعلیٰ پنجاب کے نوٹس پر دو غیر ملکی خواتین، سٹیفن اور ان کی دوست کو پولیس نے گذشتہ روز جمعرات کو بازیاب کرایا تھا۔
کارروائی کے دوران گرفتار ملزمان رضا ڈار، سکندر خان، حسن رضا اور ساجد علی کو مقامی عدالت میں آج جمعے کے روز پیش کیا گیا۔پولیس نے مزید تفتیش کے لیے ملزمان کے 14 روزہ جسمانی ریمانڈ کی استدعا کی۔ پولیس نے ملزمان کو پیش کیا تو وہ میڈیا کے کیمروں سے اپنے چہرے چھپاتے رہے۔
