پاکستانی اداکارہ اور ٹی وی میزبان مشی خان نے ماہرِ نفسیات ڈاکٹر نبیہہ علی خان اور ان کے سابق شوہر حارث کھوکھر کے درمیان جاری عوامی تنازع پر ردعمل دیتے ہوئے دونوں پر زور دیا ہے کہ وہ اپنے نجی اختلافات کو میڈیا کی بجائے ذاتی سطح پر حل کریں۔
حالیہ دنوں ڈاکٹر نبیہہ علی خان DR Nabiha Ali Khan اور حارث کھوکھر کی طلاق divorce اور اس سے متعلق انٹرویوز سوشل میڈیا پر موضوعِ بحث بنے ہوئے ہیں، جہاں دونوں کی جانب سے ایک دوسرے کے بارے میں مختلف بیانات سامنے آئے ہیں۔
اس صورتحال پر اظہارِ خیال کرتے ہوئے مشی خان Mishi Khan نے کہا کہ ملک میں عوام کو درپیش کئی اہم مسائل موجود ہیں، لیکن افسوس کے ساتھ ذاتی نوعیت کے معاملات غیر معمولی توجہ حاصل کر رہے ہیں۔ ان کے بقول ایسا محسوس ہوتا ہے جیسے ایک خاندانی تنازع غیر ضروری طور پر قومی بحث کا موضوع بن گیا ہو۔
مشی خان کا مشورہ
مشی خان نے دونوں فریقوں کو مشورہ دیا کہ اگر ان کے درمیان اختلافات ہیں تو انہیں نجی ماحول میں حل کیا جائے اور میڈیا پلیٹ فارمز پر ایک دوسرے کے بارے میں ذاتی معلومات یا الزامات پیش کرنے سے گریز کیا جائے۔
ان کے بیان کے بعد سوشل میڈیا پر بھی مختلف آرا سامنے آئیں۔ متعدد صارفین نے مشی خان کے مؤقف کی حمایت کرتے ہوئے کہا کہ خاندانی اور ازدواجی معاملات کو عوامی مباحث کا حصہ بنانے کے بجائے باہمی گفتگو یا قانونی طریقۂ کار کے ذریعے حل کیا جانا چاہیے۔
صارفین کی رائے
دوسری جانب کچھ صارفین کا کہنا تھا کہ جب ذاتی معاملات خود عوامی سطح پر لائے جائیں تو ان پر عوامی ردعمل آنا بھی فطری ہے۔
مذید خبریں
فضا علی کا ڈاکٹر نبیہا کیساتھ پروگرام پری پلان اسکرپٹڈ نکلا، خفیہ آڈیو لیک – urdureport.com
ڈاکٹر نبیہا کے الزامات پر ان کے شوہر حارث کھوکھر نے بھی جواب دے دیا – urdureport.com
تاحال ڈاکٹر نبیہہ علی خان یا ان کے سابق شوہر حارث کھوکھر کی جانب سے مشی خان کے بیان پر کوئی باضابطہ ردعمل سامنے نہیں آیا۔
