کولمبو میں پاکستان اور بھارت کے درمیان ٹی20 ورلڈ کپ کے اہم مقابلے سے قبل شہر میں سبز پرچموں کی بہار آگئی شہر میں کرکٹ کا جنون اپنے عروج پر پہنچ گیا ہے۔
The Chairman of the Pakistan Cricket Board is Mohsin Naqvi arrived in Colombo today.
A warm welcome for Chairman PCB
🇵🇰🤝🇱🇰 pic.twitter.com/lM3CTrRVysAyubovan | வணக்கம் | خوش آمدید | ආයුබෝවන් 🙏
— Sri Lanka Tweet 🇱🇰 (@SriLankaTweet) February 14, 2026
کولمبو میں پاکستان کرکٹ بورڈ کے چیرمین محسن نقوی پہنچے تو ان کا مقامی ڈانس اور روایتی انداز میں استقبال کیا گیا
کولمبو میں میچ سے قبل ہی شہر میں سبز رنگ بکھر گیا۔بنگلہ دیش اور سر لنکا کے شہری بھی پاکستانی ٹیم کی حمایت میں نکل آئے۔
آج شام ساڑھے چھ بجے ہو گا پاک بھارت ٹاکرا اور ابھی سے پورا شہر ایک بڑے اسپورٹس فیسٹیول کا منظر پیش کر رہا ہے، جہاں ہر طرف سبز رنگ غالب دکھائی دے رہا ہے۔
اسٹیڈیم کے باہر گرین شرٹس کا راج
R. Premadasa Stadium کے اطراف شائقینِ کرکٹ کی بڑی تعداد جمع ہے، جس کے باعث ماحول میں غیر معمولی جوش و خروش پایا جا رہا ہے۔
کولمبو میں اسٹیڈیم کے باہر پاکستان اور بھارت کی شرٹس کی فروخت جاری pic.twitter.com/To1AfPOdD9
— Geo News Urdu (@geonews_urdu) February 10, 2026
ٹی ٹونٹی ورلڈ کپ کے بڑے ٹاکرے سے قبل اسٹیڈیم کے اطراف کا علاقہ سبز ٹی جرسیوں اور پاکستانی پرچموں سے سجا ہوا ہے۔
پاکستانی مداحوں کے ساتھ ساتھ بڑی تعداد میں سری لنکن اور بنگالی شائقین بھی پاکستان کی حمایت میں کھل کر سامنے آ گئے ہیں۔ کئی مقامی افراد گرین شرٹس پہن کر اور پاکستانی پرچم تھامے اسٹیڈیم کے گرد موجود ہیں۔
سڑکیں فین زون بن گئیں، نعرے اور جھنڈے فضا میں گونجنے لگے
اسٹیڈیم کے اطراف کی سڑکیں باقاعدہ فین زون کا منظر پیش کر رہی ہیں۔ ہر طرف نعرے، جھنڈے اور ٹیموں کے رنگ نمایاں ہیں۔
دلچسپ منظر یہ بھی دیکھنے میں آیا کہ دونوں ممالک کے شائقین ایک ساتھ خوشیاں مناتے نظر آئے، جہاں پاکستان اور سری لنکا کے پرچم ساتھ ساتھ لہرا رہے تھے۔
میچ نہیں، عالمی اسپورٹس ایونٹ
مداحوں کا کہنا ہے کہ پاک بھارت مقابلہ محض ایک کرکٹ میچ نہیں بلکہ عالمی کرکٹ کا سب سے بڑا ٹاکرا ہے، جس کی گونج سرحدوں سے بہت آگے تک سنائی دیتی ہے۔
یہ مقابلہ کھیل کے جذبے، روایت اور عالمی دلچسپی کا مرکز بن چکا ہے۔
ہوٹلوں اور مارکیٹوں میں غیر معمولی رش
جوش و خروش صرف اسٹیڈیم تک محدود نہیں بلکہ کولمبو کے ہوٹلوں، ریسٹورنٹس اور مارکیٹوں میں بھی غیر معمولی رش دیکھنے میں آ رہا ہے۔
دنیا کے مختلف ممالک سے تعلق رکھنے والے شائقین خصوصی طور پر اس ہائی پروفائل مقابلے کو دیکھنے کے لیے شہر پہنچ چکے ہیں، جس سے کولمبو مکمل طور پر ایک اسپورٹس فیسٹیول میں تبدیل ہو چکا ہے۔
سبز جرسیوں کی مانگ میں نمایاں اضافہ
اہم تجارتی علاقوں کے دکانداروں کے مطابق ٹیموں کی شرٹس، پرچموں اور کرکٹ سے متعلق اشیا کی فروخت میں نمایاں اضافہ ہوا ہے،۔
جن میں سبز جرسیوں کی طلب سب سے زیادہ ہے۔ کئی سری لنکن شائقین کو بھی پاکستان کے پرچم اٹھائے بازاروں میں گھومتے دیکھا گیا، جو کھیل کے ذریعے سرحدوں سے بالاتر جذبے کی عکاسی کرتا ہے۔
ناقابلِ شکست ٹیموں کا بڑا معرکہ
واضح رہے کہ پاکستان اور بھارت آج کولمبو میں ٹی20 ورلڈ کپ کے اہم میچ میں مدِمقابل ہوں گے۔ دونوں ٹیمیں اپنے ابتدائی دونوں میچ جیت چکی ہیں، جس کے باعث اس ٹاکرے کی اہمیت مزید بڑھ گئی ہے۔
شائقین کی نظریں اب اس بڑے مقابلے پر جمی ہوئی ہیں، جہاں صرف جیت ہی نہیں بلکہ وقار بھی داؤ پر لگا ہو گا۔
یہ بھی پڑھئِے
