ایران کے سرکاری میڈیا کے مطابق امریکی اور اسرائیلی حملوں میں رہبرِ اعلیٰ آیت اللہ علی خامنہ ای کی شہادت کی تصدیق کے بعد پاسدارانِ انقلاب نے ردِعمل میں حملوں کی چھٹی لہر شروع کرنے کا اعلان کیا ہے۔
بیان میں کہا گیا ہے کہ پاسدارانِ انقلاب (آئی آر جی سی) نے اس رائی ل اور خطے میں قائم امریکی فوجی اڈوں کو نشانہ بنایا ہے۔
ایرانی حکام کے مطابق 27 امریکی اڈوں پر میزائل اور ڈرون حملے کیے گئے ہیں، تاہم ان دعوؤں کی آزاد ذرائع سے تصدیق نہیں ہو سکی۔
ایرانی بیان میں مزید کہا گیا ہے کہ اس رائ یل کے اہم فوجی اور دفاعی مراکز کو بھی نشانہ بنایا گیا، جن میں ان کے ایئر بیس، (فوج کا کمانڈ ہیڈکوارٹر) اور ایک بڑے دفاعی صنعتی کمپلیکس شامل ہیں۔
دوسری جانب خطے کے مختلف حصوں سے دھماکوں کی اطلاعات موصول ہو رہی ہیں۔ عینی شاہدین کے مطابق دوحہ اور منامہ میں دھماکوں کی آوازیں سنی گئی ہیں،۔
اس سے قبل پاسدارانِ انقلاب کی جانب سے جاری بیان میں کہا گیا تھا کہ ایران کی مسلح افواج "مقبوضہ علاقوں اور امریکی اڈوں میں خطرے کی گھنٹی کی آواز کو خاموش نہیں ہونے دیں گی” اور جلد بڑی جارحانہ کارروائی کی جائے گی۔
تاحال امریکہ کی جانب سے ان حملوں اور نقصانات کی مکمل تفصیلات جاری نہیں کی گئی ہیں۔ صورتحال انتہائی کشیدہ ہے اور خطے میں مزید کشیدگی کے خدشات بڑھ گئے ہیں۔
