امریکی صڈر ڈونلڈ ٹرمپ Donald Trump نے دعویٰ کیا ہے کہ امریکا نے ایرانی بحریہ کے 9 جہازوں کو ڈبو دیا ہے اور ان کے نیول ہیڈ کوارٹر کو بڑی حد تک تباہ کر دیا ہے۔
تاحال ایران کی جانب سے ان دعوؤں پر کوئی باضابطہ ردعمل سامنے نہیں آیا۔
اتوار کے روز سوشل میڈیا پر جاری اپنے بیان میں امریکی صدر نے کہا کہ انہیں اطلاع ملی ہے کہ ایرانی بحریہ کے 9 جہاز تباہ اور ڈبو دیے گئے ہیں، جن میں سے بعض بڑے اور اہم نوعیت کے تھے۔
ان کا کہنا تھا کہ باقی اہداف کو بھی نشانہ بنایا جا رہا ہے اور وہ جلد سمندر کی تہہ میں ہوں گے۔
ٹرمپ نے مزید دعویٰ کیا کہ ایک علیحدہ حملے میں ایران کے بحریہ کے ہیڈ کوارٹر کو بڑے پیمانے پر نقصان پہنچایا گیا ہے۔ تاہم انہوں نے اپنے بیان کے ساتھ کسی قسم کی تصاویر یا ویڈیو شواہد شیئر نہیں کیے۔
اس سے قبل قطری نشریاتی ادارے Al Jazeera کی رپورٹ کے مطابق ڈونلڈ ٹرمپ نے امریکی جریدے The Atlantic کو دیے گئے ایک انٹرویو میں کہا تھا کہ ایران کی نئی قیادت ان سے رابطہ کرنا چاہتی ہے اور وہ بات چیت کے لیے آمادہ ہیں۔
امریکی صدر کا کہنا تھا کہ ایران کو پہلے ہی ایک معاہدہ کر لینا چاہیے تھا، لیکن انہوں نے تاخیر کی۔
ٹرمپ نے دعویٰ کیا کہ ایران پر کیے گئے ایک بڑے حملے میں ان کے زیادہ تر اہم افراد مارے جا چکے ہیں۔ تاہم انہوں نے یہ واضح نہیں کیا کہ ممکنہ بات چیت کب ہوگی۔
یہ بھی پڑھئِے
