جیفری ایپسٹین نے بچوں کی سیکس ٹریفکنگ سے متعلق ایک مقدمے میں گرفتار موت سے صرف دو روز قبل دو افراد انڈائیک اور کان کو اپنی جائیداد اور دولت کا مشترکہ منتظم مقرر کیا تھا۔
انھوں نے اپنی وصیت میں ترمیم کر کے اپنی تمام دولت ایک ایسے ٹرسٹ میں منتقل کر دی جس کا نام ان کے سالِ پیدائش پر رکھا گیا تھا اور جس کی نگرانی و انتظام یہ وکیل اور اکاؤنٹنٹ کریں گے۔
بدنام زمانہ امریکی جنسی مجرم Jeffrey Epstein کے نیویارک میں واقع گھر سے برآمد ہونے والی ایک تجوری سے متعلق نئی تفصیلات سامنے آئی ہیں۔
امریکی تحقیقاتی ادارے Federal Bureau of Investigation (ایف بی آئی) کے مطابق جولائی 2019 میں ایپسٹین کی گرفتاری کے بعد جب ان کے گھر پر چھاپہ مارا گیا تو تجوری میں ہیرے، نقد رقم، سی ڈیز اور ہارڈ ڈرائیوز موجود تھیں، تاہم وارنٹ میں تکنیکی مسئلے کے باعث حکام اس سامان کو فوری طور پر ضبط نہیں کر سکے۔
ایف بی آئی کا کہنا ہے کہ جب ایجنٹس نیا وارنٹ لے کر واپس آئے تو تجوری خالی ہو چکی تھی۔ تحقیقات کے مطابق ایپسٹین کے اکاؤنٹنٹ Richard Kahn نے گھر کے عملے کو ہدایت دی تھی کہ تجوری کا سامان دو سوٹ کیسوں میں بھر کر ان کے گھر منتقل کر دیا جائے۔ بعد میں کان نے حکام کو سوٹ کیس واپس دینے پر رضامندی ظاہر کی، تاہم انہوں نے یہ بتانے سے انکار کر دیا کہ سامان ہٹانے کا حکم کس نے دیا تھا۔
اس معاملے میں ایپسٹین کے دیرینہ وکیل Darren Indyke کا نام بھی سامنے آیا ہے، جو کان کے ساتھ ایپسٹین کی جائیداد کے مشترکہ منتظم ہیں۔
امریکی کانگریس کی نگرانی کرنے والی کمیٹی United States House Oversight Committee نے ایپسٹین کے مالی نیٹ ورک اور ممکنہ معاونین کے بارے میں معلومات حاصل کرنے کے لیے دونوں افراد کو طلب کیا ہے۔
دوسری جانب کان اور انڈائیک کے وکلا کا کہنا ہے کہ ان کے مؤکلوں نے کوئی غیر قانونی کام نہیں کیا اور وہ حکام کے ساتھ مکمل تعاون کر رہے ہیں۔ تاہم متاثرین کا مطالبہ ہے کہ ایپسٹین کے نیٹ ورک اور اس کے مالی معاملات کی مکمل تحقیقات کی جائیں۔
یہ بھی پڑھئِں
