عائزہ خان کی ہمراہی کی فائنل سکرین سے غیر حاضری ،مداحوں میں قیاس آرائیاں

اردو رپورٹ ڈیسک

پاکستانی شوبز کی معروف جوڑی عائزہ خان اور دانش تیمور کے مداحوں میں اس وقت تشویش پائی جا رہی ہے، کیونکہ حالیہ دنوں میں سامنے آنے والی بعض باتوں کو دیکھتے ہوئے سوشل میڈیا صارفین نے دونوں کے درمیان تعلقات میں مشکلات کے حوالے سے قیاس آرائیاں شروع کردی ہیں۔

ہمراہی سے غائب

قیاس آرائیوں کا آغاز اس وقت ہوا جب عائزہ خان کراچی میں دانش تیمور کے ڈرامے ’ہمراہی‘ کے فائنل کی اسکریننگ میں نظر نہیں آئیں۔

اگرچہ ان کی عدم شرکت کی کئی ذاتی یا پیشہ ورانہ وجوہات ہوسکتی ہیں، تاہم مداحوں نے اسے دیگر حالیہ واقعات کے ساتھ جوڑنا شروع کردیا۔

مداحوں کی توجہ اس بات پر بھی گئی کہ اگست میں دونوں نے اپنی شادی کی سالگرہ کے موقع پر سوشل میڈیا پر کوئی خصوصی پوسٹ شیئر نہیں کی۔

سوشل میڈیا سے غیر حاضری

عائزہ خان اور دانش تیمور Ayeza Khan Danish Taimour ماضی میں اپنی شادی کی سالگرہ اور خاندانی زندگی کی تصاویر مداحوں کے ساتھ شیئر کرتے رہے ہیں، تاہم اس مرتبہ ایسی کوئی پوسٹ سامنے نہیں آئی۔

اسی دوران اداکارہ عائزہ خان کی جانب سے سوشل میڈیا social media post پر شیئر کی گئی ایک بلیک اینڈ وائٹ پوسٹ نے بھی مداحوں کی توجہ حاصل کی۔

پوسٹ میں ان کے ازدواجی تعلق matrimonial telationsکے حوالے سے براہِ راست کچھ نہیں کہا گیا، تاہم بعض صارفین نے اس کے انداز اور پیغام کو مبہم یا معنی خیز قرار دیتے ہوئے مختلف قیاس آرائیاں کیں۔

عائزہ خان اور دانش تیمور کی سوشل میڈیا پوسٹس پر مداحوں نے سوالات بھی کیے اور بعض نے پوچھا کہ کیا دونوں کسی مشکل مرحلے سے گزر رہے ہیں۔

مداحوں کے سوالات

تاہم دوسری جانب کئی مداحوں کا کہنا ہے کہ ان قیاس آرائیوں کی حمایت میں کوئی واضح ثبوت موجود نہیں۔ صرف چند سوشل میڈیا پوسٹس یا کسی تقریب میں عدم شرکت کو ازدواجی مسائل سے جوڑنا درست نہیں ہوگا۔

اہم بات یہ ہے کہ عائزہ خان اور دانش تیمور کے درمیان علیحدگی، ازدواجی اختلافات یا طلاق کے حوالے سے کوئی تصدیق شدہ اطلاع سامنے نہیں آئی۔

اس لیے فی الحال دونوں کے تعلقات میں کسی بحران کی خبریں محض سوشل میڈیا پر جاری قیاس آرائیوں تک محدود ہیں ۔