کینیڈا سے تعلق رکھنے والی ایک خاتون نے سوشل میڈیا کے ذریعے ہونے والی دوستی کو رشتۂ ازدواج میں بدلتے ہوئے خیبرپختونخوا کے ضلع لوئر دیر کے ایک نوجوان سے شادی کر لی۔
پولیس حکام کے مطابق دونوں کے درمیان آن لائن رابطہ کچھ عرصہ قبل قائم ہوا، جو وقت کے ساتھ گہری دوستی اور پھر محبت میں تبدیل ہوگیا۔ خاتون حال ہی میں پاکستان پہنچیں، جہاں ابتدائی طور پر انہوں نے اسلام آباد میں قیام کیا اور بعد ازاں لوئر دیر کا رخ کیا۔
کینیڈین خاتون سارہ مشیل کی سوشل میڈیا پر تیمرگرہ ( خیبرپختونخوا) کے لڑکے سے دوستی ہوئی، اس کے پیچھے کینیڈا سے ٹورسٹ ویزے پر پاکستان آئیں اور دونوں نے شادی کر لی ہے۔ pic.twitter.com/Pwg8u3AOx1
— Muhammad Zeeshan Awan (@surrakimuhammad) April 24, 2026
انجو نامی لڑکی نے سوشل میڈیا کے ذریعے محبت کے بعد دیر آ کر نصراللہ نامی نوجوان سے شادی کی۔
ذرائع کے مطابق شادی سادہ اور نجی انداز میں تیمرگرہ میں انجام پائی، جہاں جوڑے نے مقامی عدالت میں پیش ہو کر اپنی رضامندی ظاہر کی اور قانونی تقاضے پورے کیے۔ مجسٹریٹ کی اجازت کے بعد نکاح کی رسم ادا کی گئی۔
پولیس کا کہنا ہے کہ سیکیورٹی وجوہات کے باعث تقریب کو محدود رکھا گیا اور اسے عوامی سطح پر نمایاں نہیں کیا گیا۔ جوڑا اس وقت ایک مقامی ہوٹل میں مقیم ہے اور دونوں اپنی نئی زندگی کے آغاز پر خوش دکھائی دیتے ہیں۔
یہ بھی پڑھئِے
ٹرمپ کی بچے کی شہریت حصولی پر انڈیا کو جہنم کہنے پر شدید تنقید – urdureport.com
کیوبا از نیکسٹ: جہاں امریکی پابندیوں کی وجہ سے انسانی المیہ جنم لے رہا ہے – urdureport.com
حکام کے مطابق چند روز قیام کے بعد جوڑا اسلام آباد منتقل ہونے کا ارادہ رکھتا ہے۔
یہ امر قابل ذکر ہے کہ اس نوعیت کے واقعات ماضی میں بھی سامنے آتے رہے ہیں، جہاں غیر ملکی خواتین سوشل میڈیا کے ذریعے پاکستانی شہریوں سے تعلق قائم کر کے یہاں آ کر شادی کر چکی ہیں۔
