امریکی صدر ڈونلڈ ٹرمپ کا کہنا ہے کہ امریکہ ایران کو جوہری ہتھیار حاصل نہیں کرنے دے گا, وہ ایران سے افزودہ یورینیم لے کر اسے تباہ کرنے کا ارادہ رکھتے ہیں۔
جمعرات کو وائٹ ہاؤس میں میڈیا سے گفتگو کرتے ہوئے ڈونلڈ ٹرمپ نے کہا کہ ہم ایران سے وہ (یورینیم) لے لیں گے۔ ہمیں اس کی ضرورت نہیں ہے، ہمیں وہ نہیں چاہیے، ہم اسے حاصل کرنے کے بعد تباہ کر دیں گے۔‘
انھوں نے سوالوں کے جواب دیتے ہوئے مزید کہا کہ وہ افزودہ یورینیم ایران کے پاس نہیں رہنے دیں گے۔
انھوں نے کہا کہ امریکہ کے ایران کے ساتھ مذاکرات جاری ہیں , ایران کے جوہری ہتھیار بنانے کی صورت میں ’آپ مشرقِ وسطیٰ میں ایک جوہری جنگ دیکھیں جو کہ یہاں (امریکہ) آ سکتی ہے، یورپ بھی آ سکتی ہے اور ہم ایسا نہیں ہونے دیں گے۔‘
مارکو روبیو کا بیان
جبکہ مریکہ کے وزیر خارجہ Marco Rubio نے کہا ہے کہ واشنگٹن اور تہران کے درمیان ممکنہ معاہدے کے حوالے سے بعض حوصلہ افزا اشارے سامنے آئے ہیں، تاہم حتمی نتیجے کے بارے میں ابھی کچھ کہنا قبل از وقت ہوگا۔
مذید پڑھئیے
ایران کا انکار،ان کو جلد پتہ لگ جائے گا کیا ہونے والا ہے،ٹرمپ کی دھمکی – urdureport.com
جیفری ایپسٹین کی گرل فرینڈ :کیس میں نیا موڑ – urdureport.com
صحافیوں سے گفتگو کرتے ہوئے انہوں نے بتایا کہ پاکستانی حکام آج ایران کے دارالحکومت تہران Tehranکا دورہ کر رہے ہیں اور امید ہے کہ یہ سفارتی کوششیں مذاکراتی عمل میں مثبت کردار ادا کریں گی۔
مارکو روبیو کا کہنا تھا کہ امریکی صدر کی اولین ترجیح ایک ایسا معاہدہ ہے جو تمام فریقوں کے لیے قابل قبول اور مؤثر ہو۔ ان کے مطابق اگر بہتر شرائط پر اتفاق رائے ہو جاتا ہے تو یہ سب کے لیے فائدہ مند ثابت ہوگا۔
انہوں نے خبردار کیا کہ اگر مذاکرات کسی نتیجے تک نہ پہنچ سکے تو صدر کے پاس دیگر متبادل راستے بھی موجود ہیں، تاہم انہوں نے ان آپشنز کی تفصیلات بیان کرنے سے گریز کیا۔
