لاہور میں سائبر ہراسگی سے متعلق زیرِ تفتیش مقدمے میں اہم پیش رفت سامنے آئی ہے، جہاں اداکارہ مومنہ اقبال نے اپنے قانونی مشیر کے ہمراہ تفتیشی حکام کے سامنے پیش ہو کر مبینہ شواہد جمع کرا دیے۔جبکہ دوسری جانب مسلم لیگ ن کے ایم پی اے ی جانب سے اداکارہ پر پانچ کروڑ روپے کے تحائف واپسی کا تقاضا کیا گیا ہے۔
🚨صحافی نے جب MPA سے گاڑی لینے والی بات کی تو مومنہ کی وکیل نے کہا کہ یہ ہوائی باتیں نہ کرے جب اپ کے پاس ثبوت نہیں تو ایسے باتے نہ کرے۔۔۔ مومنہ کی وکیل نے یہ بھی کہا کہ مومنہ کی 1 تاریخ کو شادی ہے اور ان کو دھمکیاں مل رہی اس لئے اس نے یہ بات پبلک کی۔۔۔۔ pic.twitter.com/idl1PMNXau
— Mehwish Qamas Khan (@MehwishQamas) May 21, 2026
ذرائع کے مطابق اداکارہ مومنہ اقبال Momina Iqbalنے تفتیشی ٹیم کو مختلف ڈیجیٹل ریکارڈ، مبینہ پیغامات اور دیگر معلومات فراہم کیں، جن کا جائزہ لینے کے بعد حکام نے کیس کے مختلف پہلوؤں پر تفصیلی سوالات بھی کیے۔ بتایا جاتا ہے کہ ملاقات اور تفتیشی عمل کئی گھنٹوں تک جاری رہا۔
ثاقب چدھڑ کی بروقت عدم پیشی
دوسری جانب مقدمے میں نامزد Saqib Chadhar کو بھی اپنا مؤقف پیش کرنے کے لیے طلب کیا گیا تھا، تاہم تفتیشی ادارے کے مطابق وہ مقررہ وقت پر پیش نہ ہو سکے۔ حکام کا کہنا ہے کہ قانونی طریقہ کار کے تحت آئندہ کارروائی کا فیصلہ دستیاب شواہد اور فریقین کے مؤقف کی روشنی میں کیا جائے گا۔
ادکارہ مومنہ اقبال ایم پی اے ثاقب سے 5 کروڑ سے زیادہ لی چُکیpic.twitter.com/2kI79HVdJz
— Muzamil (@muzamil_45) May 21, 2026
ادھر رکنِ اسمبلی کے وکیل میاں علی اشفاق نے میڈیا سے گفتگو میں مؤقف اختیار کیا کہ گزشتہ پانچ برس کے دوران ہونے والے معاملات کی تفصیلات سامنے آنے پر کئی حقائق واضح ہوں گے۔ ان کا دعویٰ تھا کہ اداکارہ نے اس عرصے میں کروڑوں روپے کے مالی فوائد حاصل کیے، جن کی نوعیت اور تفصیلات مناسب وقت پر عوام کے سامنے رکھی جائیں گی۔
میاں علی اشفاق وکیل ثاقب چدھڑ نے کہا کہ 5 سال کی مختلف تفصیلات سامنے آئیں گی جس میں آپ حیران رہ جائیں گے مومنہ اقبال نے ۔5 کروڑ سے دو تین گنا زائد کے مالی فائدے لیے ہیں۔
مذید پڑھئِں
ہراسگی کیس: اداکارہ مومنہ اقبال کی درخواست پر ن لیگی ایم پی اے طلب – urdureport.com
اداکارہ حنا الطاف نے دورانِ شوٹنگ ہراسانی واقعہ کا انکشاف کر دیا – urdureport.com
تاہم اداکارہ یا ان کے وکیل کی جانب سے وکیل کے ان دعوؤں پر تاحال کوئی باضابطہ ردعمل سامنے نہیں آیا۔ تفتیشی ادارے کا کہنا ہے کہ تحقیقات جاری ہیں اور حتمی نتائج شواہد، ریکارڈ اور تمام متعلقہ فریقین کے بیانات کی بنیاد پر مرتب کیے جائیں گے۔
