پاکستانی اداکارہ و میزبان حنا الطاف نے ایک ڈرامے کی شوٹنگ کے دوران پیش آنے والے ناخوشگوار اور خوفناک واقعے سے متعلق اہم انکشاف کیا ہے۔
اداکارہ نے اپنی انسٹاگرام اسٹوری میں بتایا کہ شوٹنگ کے دوران موجود ایک شخص کے رویے نے انہیں شدید بے چینی اور عدم تحفظ کا احساس دلایا۔ ان کے مطابق جیسے ہی اس فرد نے ان سے گفتگو کی، انہیں فوراً محسوس ہو گیا کہ صورتحال مناسب اور محفوظ نہیں۔
حنا الطاف نے کہا کہ انہوں نے فوری طور پر خود کو اس ماحول سے الگ کر لیا اور بعد ازاں متعلقہ پروڈکشن ہاؤس کو بھی اس شخص کے رویے سے آگاہ کرتے ہوئے باقاعدہ شکایت درج کروائی۔
مذید پڑھئِے
زچگی کے بعد ذہنی جسمانی تبدیلیوں بارے زارا نور عباس کھل کر بول پڑیں – urdureport.com
اے آئی : اداکارہ گریجا اوک کے چہرے کو چھوٹے کپڑے پہنے خاتون کے دھڑ پر لگا دیا – urdureport.com
سوشل میڈیا پر تاثرات
اداکارہ کے اس بیان کے سامنے آنے کے بعد سوشل میڈیا پر صارفین نے ان کے حوصلے کو سراہتے ہوئے بھرپور حمایت کا اظہار کیا۔ متعدد صارفین کا کہنا تھا کہ خواتین کے لیے محفوظ اور باعزت ورکنگ ماحول فراہم کرنا شوبز انڈسٹری سمیت ہر شعبے کی بنیادی ذمہ داری ہے۔
سوشل میڈیا پر یہ بھی کہا جا رہا ہے کہ حنا الطاف کا اس حساس معاملے پر کھل کر بات کرنا نہ صرف جرات مندانہ اقدام ہے بلکہ اس سے دیگر خواتین کو بھی اپنے ساتھ پیش آنے والے نامناسب رویوں کے خلاف آواز اٹھانے کا حوصلہ ملے گا۔
