آزاد کشمیر حکومت نے جوائنٹ عوامی ایکشن کمیٹی پر دہشت گردی کے الزامات لگاتے ہوئے پابندی عائد کر دی ہے ۔
آزاد جموں و کشمیر کی حکومت نے جوائنٹ عوامی ایکشن کمیٹی کو انسداد دہشت گردی ایکٹ 2014 کے تحت کالعدم قرار دے دیا ہے۔محکمہ داخلہ کی جانب سے جاری نوٹیفکیشن کے مطابق جموں کشمیر جوائنٹ عوامی ایکشن کمیٹی اور عوامی ایکشن کمیٹی کے نام سے سرگرم تنظیموں کو فرسٹ شیڈول میں شامل کر لیا گیا ہے۔
نوٹیفکیشن میں وضاحت
نوٹیفکیشن میں تنظیم کے متبادل نام بھی درج کیے گئے ہیں۔آزاد کشمیر کے وزیر خزانہ اور حکومت کی مذاکراتی کمیٹی کے سربراہ چوہدری قاسم مجید نے اس فیصلے کی تصدیق کرتے ہوئے بتایا کہ حکومت نے تنظیم کو کالعدم قرار دینے کا فیصلہ کیا ہے۔
نوٹیفکیشن کے مطابق تنظیم کے خلاف امن و امان کو نقصان پہنچانے کے معقول شواہد موجود ہیں اور اسے ریاست میں انتشار پھیلانے کی سرگرمیوں میں ملوث قرار دیا گیا ہے۔
محکمہ داخلہ کا موقف
محکمہ داخلہ کا کہنا ہے کہ تنظیم عوام میں خوف و۔ ہراس پیدا کرنے، عدم تحفظ کا احساس بڑھانے اور معاشرتی ہم آہنگی کو متاثر کرنے میں ملوث رہی ہے۔
حکومتی اعلامیے کے مطابق تنظیم پر نفرت انگیزی کو فروغ دینے اور امن عامہ کو نقصان پہنچانے کے الزامات بھی عائد کیے گئے ہیں۔
مذید خبریں
اسلام آباد میں نیا نظام:اپنی اسمبلی اور وزیراعلیٰ ہو گا – urdureport.com
بھارت کا چناب کا پانی طویل ٹنل سے بیاس میں منتقل کرنے کا منصوبہ کیا؟ – urdureport.com
نوٹیفکیشن میں بتایا گیا ہے کہ آزاد کشمیر کے صدر نے تنظیم کو کالعدم قرار دینے کی منظوری دے دی ہے۔یہ فیصلہ ایسے وقت میں سامنے آیا ہے جب ماضی میں حکومت اور جوائنٹ عوامی ایکشن کمیٹی کے درمیان مختلف مطالبات پر مذاکرات اور معاہدے بھی طے پاتے رہے ہیں۔
