اردو رپورٹ ڈیسک
کراچی کی سیشن کورٹ نے مبینہ منشیات فروش انمول عرف پنکی پر منشیات کے مقدمے میں فردِ جرم عائد کردی ہے۔
عدالت میں سماعت کے دوران ملزمہ انمول پنکی کو ویڈیو لنک کے ذریعے پیش کیا گیا، جہاں عدالت نے اس سے منشیات کے الزام سے متعلق سوال کیا اور پوچھا کہ آیا وہ جرم قبول کرتی ہیں۔
ملزمہ کا صحتِ جرم سے انکار
انمول پنکی نے صحتِ جرم سے انکار کرتے ہوئے مؤقف اختیار کیا کہ پولیس نے ان کے خلاف جھوٹا مقدمہ درج کیا ہے۔
ملزمہ کی جانب سے جرم قبول نہ کیے جانے پر عدالت نے استغاثہ کے گواہوں کو نوٹس جاری کردیئے۔
گزری تھانے میں مقدمہ درج
انمول پنکی کے خلاف منشیات کا مقدمہ کراچی کے تھانہ گزری میں درج ہے۔ مقدمے کی مزید کارروائی عدالت میں پیش کیے جانے والے شواہد اور فریقین کے مؤقف کی بنیاد پر آگے بڑھے گی۔
