پاکستان۔کی شوبز انڈسٹری میں حالیہ دنوں ایک بار پھر میرا اور سعود کے تعلقات بارئے پرانے تنازع نے سر اٹھا لیا ہے، جس پر اداکارہ و میزبان جویریہ سعود نے سخت ردعمل دیا ہے۔
ارشاد بھٹی سمیت چند پوڈکاسٹرز نے اداکارہ میرا اور اداکار سعود کے ماضی سے متعلق پرانے دعووں کو دوبارہ چھیڑا اور اس پر وضاحت طلب کی۔ یاد رہے کہ کچھ عرصہ قبل اداکارہ و ہدایت کار سنگیتا نے ایک انٹرویو میں دعویٰ کیا تھا کہ اپنے عروج کے دور میں میرا اور سعود کے درمیان تعلق تھا، اور انہوں نے دونوں کو ایک موقع پر ایک ساتھ دیکھا بھی تھا۔
یہ بیان بعد ازاں مختلف پوڈکاسٹس میں بھی دہرایا گیا، جس کے باعث یہ معاملہ کافی عرصے تک زیر بحث رہا۔
حالیہ صورتحال میں جب اس تنازع کو دوبارہ اٹھایا گیا تو جویریہ سعود اپنے شوہر کے دفاع میں سامنے آئیں۔ انہوں نے انسٹاگرام پر جاری بیان میں کہا کہ میرا، سعود اور ریما جیسے معروف فنکاروں کا نام لے کر کسی کی شہرت میں اضافہ نہیں ہو سکتا، اور نہ ہی پرانی افواہیں ان کے کیریئر کو متاثر کر سکتی ہیں۔
جویریہ سعود کا کہنا تھا کہ ان فنکاروں نے اپنی محنت اور صلاحیت کے بل بوتے پر مقام حاصل کیا ہے، جبکہ بعض ئافراد سستی شہرت کے لیے غیر معیاری گفتگو اور پوڈکاسٹس کا سہارا لے رہے ہیں۔ انہوں نے مزید کہا کہ ماضی کے قصے دہرانے سے کسی کے کردار پر فرق نہیں پڑتا۔
جویریہ سعود کے اس بیان کے بعد شوبز انڈسٹری سے وابستہ شخصیات، سوشل میڈیا صارفین اور مداحوں کی بڑی تعداد نے ان کی حمایت کی ہے، جبکہ متنازع مواد پیش کرنے والے پوڈکاسٹرز کو شدید تنقید کا سامنا کرنا پڑ رہا ہے۔
