اردو رپورٹ ڈیسک
پی ٹی آئی کے لانگ مارچ کے پیش نظر اسلام آباد میں سکیورٹی انتظامات مزید سخت کر دیے گئے ہیں۔ پولیس نے مظاہرین سے نمٹنے کے لیے آنسو گیس سمیت ضروری سامان تیار کر لیا ہے۔
آنسو گیس کا سامان تیار
اسلام آباد پولیس کے پاس ایک لاکھ 10 ہزار آنسو گیس شیل موجود ہیں، جبکہ آنسو گیس شیل فائر کرنے والی 1300 گنز پہلے سے دستیاب ہیں۔ پولیس نے مزید 500 گنز کا بھی آرڈر دے دیا ہے۔
کنٹینرز کے لیے کرینیں دستیاب
پولیس کے پاس کنٹینرز لگانے اور ہٹانے کے لیے 22 کرینیں بھی موجود ہیں، جنہیں سکیورٹی انتظامات کے دوران استعمال کیا جائے گا۔
ریڈ زون میں سکیورٹی ہائی الرٹ
پولیس کے مطابق ریڈ زون اور ایکسٹینڈڈ ریڈ زون میں سکیورٹی پہلے ہی ہائی الرٹ ہے۔ ریڈ زون کی جانب جانے والے تین راستے بھی سیل کر دیے گئے ہیں۔
دیگر صوبوں سے پولیس نفری اسلام آباد پہنچ گئی
لانگ مارچ کے پیش نظر دیگر صوبوں سے اضافی پولیس نفری بھی اسلام آباد پہنچ چکی ہے۔
