پاکستان کی جانب سے آئی سی سی ٹی20 ورلڈ کپ میں بھارت کے ساتھ میچ نہ کھیلنے کے فیصلے پر آئی سی سی کا ردعمل آگیا۔
آئی سی سی نے کہا ہے کہ فیصلے پر پاکستان کرکٹ بورڈ کے باضابطہ رابطے کے منتظر ہیں، امید ہے پاکستان فیصلے کے منفی اثرات پر غور کرےگا۔
یہ بھی پڑھئیے
ورلڈ کپ سے پاکستان کا بائیکاٹ کی صورت میں آئی سی سی اور پاکستان کو کتنا نقصان ہو گا – urdureport.com
آئی سی سی کی جانب سے جاری کردہ اعلامیہ کے
مطابق عالمی ایونٹ میں تمام ٹیموں کی برابر شرکت ضروری ہے، حکومتی مؤقف کا احترام کرتے ہیں مگر فیصلہ کرکٹ کے مفاد میں نہیں۔
آئی سی سی کی جانب سے کہا گیا کہ پاکستانی شائقین سمیت دنیا بھر کے فینز متاثر ہوں گے۔
اعلامیہ میں کہا گیا کہ کونسل پاکستان کرکٹ بورڈ کے باضابطہ مؤقف کی منتظر ہے۔آئی سی سی کی جانب سے کہا گیا کہ پی سی بی کا فیصلہ عالمی کرکٹ کی روح کو متاثر کر سکتا ہے، امید ہے پاکستان اپنے فیصلے پر غور کرے گا۔
