کوکین سے متعلق مقدمے میں زیرِ حراست ملزمہ انمول عرف پنکی کے بارے میں مزید انکشافات سامنے آئے ہیں۔ تحقیقاتی ذرائع کے مطابق ملزمہ کے سفری اور شناختی ریکارڈ کی چھان بین کے دوران اس کے پاسپورٹ اور قومی شناختی دستاویزات کی تفصیلات حاصل کر لی گئی ہیں۔
رپورٹس کے مطابق انمول عرف پنکی کا پاسپورٹ کراچی سے اپریل 2018 میں جاری ہوا تھا، جس کی مدت پانچ سال بعد اپریل 2023 میں ختم ہو گئی۔ اس کے علاوہ اس کا قومی شناختی کارڈ دسمبر 2016 میں بنایا گیا تھا۔
دستاویزات میں ملزمہ کی رہائش گلشنِ اقبال کراچی کے علاقے ابوالحسن اصفہانی روڈ پر ظاہر کی گئی ہے، جبکہ تفتیشی ادارے اس کے دیگر ریکارڈ کی بھی جانچ کر رہے ہیں۔
شناخت کی تبدیلی
ذرائع کا کہنا ہے کہ تحقیقات کے دوران یہ بات بھی سامنے آئی ہے کہ ملزمہ نے مبینہ طور پر شناخت تبدیل کرنے کے مقصد سے نئے نام پر قومی شناختی کارڈ حاصل کرنے کی کوشش کی۔ اس پہلو پر متعلقہ ادارے مزید تحقیقات کر رہے ہیں۔
مذید پڑھئِں
پنکی کا لاھور گھر :رمضان میں راشن تقسیم ،یونیورسٹی سٹوڈنٹس کی آمدورفت – urdureport.com
پنکی میڈم:دو روزہ ریمانڈ،بنی گالا کے شخص کا نام لینے کے لیے دباو کا الزام – urdureport.com
حکام کے مطابق ملزمہ کی بیرونِ ملک آمد و رفت کی تفصیلات اکٹھی کی جا رہی ہیں، جبکہ اس کے اہلِ خانہ کے پاسپورٹس اور شناختی دستاویزات کا ریکارڈ بھی تفتیش کا حصہ بنا لیا گیا ہے۔
