فٹ بال کی عالمی تنظیم فیفا نے ورلڈ کپ 2026 کے لیے ایک نئی روایت متعارف کرانے کا اعلان کرتے ہوئے کہا ہے کہ ٹورنامنٹ کی فاتح ٹیم کو ٹرافی اور طلائی تمغوں کے ساتھ خصوصی چیمپیئن شپ رنگز (یادگاری انگوٹھیاں) بھی پیش کی جائیں گی۔
یہ پہلی بار ہوگا کہ فیفا اپنے کسی بڑے بین الاقوامی مقابلے کے فاتحین کو اس نوعیت کی یادگاری انگوٹھیاں Championship Rings (Souvenir Rings) دے گا، جو امریکی کھیلوں میں کئی دہائیوں سے کامیابی کی علامت سمجھی جاتی ہیں۔
فائنل میں سپین اور ارجنٹینا کا مقابلہ
ورلڈ کپ 2026 کا فائنل 19 جولائی کو نیویارک نیو جرسی اسٹیڈیم میں کھیلا جائے گا، جہاں سپین اور ارجنٹینا عالمی چیمپیئن بننے کے لیے آمنے سامنے ہوں گے۔ کامیاب ٹیم نہ صرف ورلڈ کپ ٹرافی اپنے نام کرے گی بلکہ نئی متعارف کرائی گئی خصوصی رنگز بھی حاصل کرے گی۔
ٹرمپ کی شرکت
فیفا کے صدر جیانی انفانٹینو پہلے ہی تصدیق کر چکے ہیں کہ امریکی صدر ڈونلڈ ٹرمپ فائنل میچ میں شرکت کریں گے۔ وائٹ ہاؤس کی جانب سے بھی اس کی توثیق کی جا چکی ہے۔ توقع ہے کہ ٹرمپ فاتح ٹیم کو ٹرافی پیش کریں گے۔
صرف 2,026 خصوصی رنگز کی تیاری
فیفا کے مطابق اس منصوبے کے تحت مجموعی طور پر صرف 2,026 نمبر شدہ چیمپیئن شپ رنگز تیار کی جائیں گی، جو ورلڈ کپ 2026 کی مناسبت سے محدود تعداد میں دستیاب ہوں گی۔
ان میں سے 30 رنگز فاتح ٹیم کے کھلاڑیوں، کوچنگ اسٹاف اور دیگر متعلقہ حکام کو دی جائیں گی، جبکہ باقی 1,996 رنگز دنیا بھر کے فٹ بال شائقین کے لیے سرکاری لائسنس یافتہ یادگاری مصنوعات کے طور پر فروخت کی جائیں گی۔
انگوٹھی کا ڈیزائن کیسا ہوگا؟
فیفا نے بتایا ہے کہ ہر رنگ پر ایک جانب ورلڈ کپ ٹرافی کا ڈیزائن ہوگا، جبکہ دوسری جانب فاتح ٹیم کی شناخت کے مطابق خصوصی نقش و نگار شامل کیے جائیں گے۔
مذید خبریں
لامین یمال ایک مسلمان کھلاڑی : میسی کی گود سے لیکر ورلڈ کپ فائنل تک – urdureport.com
ارجنٹینا مسلسل دوسری بار فیفا ورلڈ کپ 2026 کے فائنل میں، زبردست جشن منایا – urdureport.com
فیفا ورلڈ کپ 2026: اسپین فرانس کو شکست دے کر 16 سال بعد فائنل میں پہنچ گیا – urdureport.com
ہر انگوٹھی منفرد سیریل نمبر کے ساتھ تیار ہوگی، اسے وصول کرنے والے کے مطابق مخصوص سائز میں بنایا جائے گا اور اس کے ساتھ اصلیت کا سرٹیفکیٹ بھی فراہم کیا جائے گا۔
فاتح ٹیم کو پہلے عارضی، پھر مستقل رنگز ملیں گی
فیفا کے مطابق فائنل کے فوراً بعد فاتح ٹیم کے کپتان اور ہیڈ کوچ کو علامتی طور پر عارضی چیمپیئن شپ رنگز دی جائیں گی، جبکہ بعد میں تمام 30 مستقل رنگز انفرادی پیمائش کے مطابق تیار کرکے ایک خصوصی تقریب میں باضابطہ طور پر کھلاڑیوں اور آفیشلز کے حوالے کی جائیں گی۔
فیفا کا کہنا ہے کہ اس اقدام کا مقصد ورلڈ کپ جیتنے والی ٹیم کی کامیابی کو مزید یادگار بنانا اور کھلاڑیوں کو ایسی نشانی فراہم کرنا ہے جو ان کے کیریئر کی تاریخی کامیابی کی مستقل یادگار رہے۔
