نیویارک: کرکٹ کی تاریخ میں ایک دلچسپ حقیقت یہ ہے کہ دنیا کا پہلا بین الاقوامی کرکٹ میچ روایتی کرکٹ طاقتوں انگلینڈ اور آسٹریلیا کے درمیان نہیں اور نہ ہی یہ پاک بھارت میچ تھا بلکہ امریکہ (United States) اور کینیڈا (Canada) کے درمیان کھیلا گیا تھا۔ یہ تاریخی مقابلہ 24 سے 26 ستمبر 1844 تک نیویارک کے سینٹ جارجز کرکٹ کلب (St. George’s Cricket Club) میں منعقد ہوا، جسے جدید دور کا پہلا باضابطہ بین الاقوامی کھیلوں کا مقابلہ بھی قرار دیا جاتا ہے۔
کیا پہلا ون ڈے میچ تھا؟
1844 میں امریکہ اور کینیڈا کے درمیان کھیلا جانے والا دنیا کا پہلا بین الاقوامی کرکٹ میچ First international cricket match in history ون ڈے نہیں بلکہ تین روزہ، دو اننگز پر مشتمل مقابلہ تھا۔ اس دور میں نہ تو محدود اوورز کی کرکٹ متعارف ہوئی تھی اور نہ ہی ون ڈے فارمیٹ موجود تھا۔ ہر ٹیم نے دو، دو اننگز کھیلیں اور دلچسپ مقابلے کے بعد کینیڈا نے امریکہ کو 23 رنز سے شکست دے کر کرکٹ کی تاریخ کے پہلے بین الاقوامی میچ میں فتح اپنے نام کی۔
شمالی امریکہ میں کرکٹ کیسے پہنچی؟
19ویں صدی کے آغاز میں برطانوی فوجیوں، تاجروں اور آبادکاروں نے کرکٹ کو شمالی امریکہ میں متعارف کرایا، جس کے بعد امریکہ اور کینیڈا میں متعدد کرکٹ کلب قائم ہوئے۔ نیویارک، فلاڈیلفیا، ٹورنٹو اور مونٹریال جیسے شہروں میں کرکٹ تیزی سے مقبول ہونے لگی، جس کے نتیجے میں دونوں ممالک کے درمیان ایک بین الاقوامی مقابلہ منعقد کرنے کا فیصلہ کیا گیا۔
تین روز تک جاری رہنے والے اس میچ میں دونوں ٹیموں نے دو، دو اننگز کھیلیں۔ کینیڈا نے پہلی اننگز میں 82 اور دوسری میں 63 رنز بنائے، جبکہ امریکہ پہلی اننگز میں 61 اور دوسری میں 58 رنز تک محدود رہا۔ اس طرح کینیڈا نے 23 رنز سے کامیابی حاصل کرکے دنیا کے پہلے بین الاقوامی کرکٹ میچ کا اعزاز اپنے نام کیا۔
اس تاریخی مقابلے کو دیکھنے کے لیے تقریباً 10 ہزار تماشائی میدان میں موجود تھے، جو اس دور کے لحاظ سے بہت بڑی تعداد تھی۔ اس میچ پر بڑی مقدار میں شرطیں بھی لگائی گئیں، جس سے اندازہ ہوتا ہے کہ اس وقت بھی کرکٹ عوامی دلچسپی کا اہم مرکز بن چکی تھی۔
پہلے ٹیسٹ میچ سے پہلے میچ
اس میچ کی اہمیت صرف کرکٹ تک محدود نہیں بلکہ کھیلوں کی عالمی تاریخ میں بھی نمایاں ہے۔ یہ مقابلہ 1877 کے پہلے ٹیسٹ میچ سے 33 سال پہلے اور 1896 کے جدید اولمپک کھیلوں سے 52 سال پہلے منعقد ہوا، جس کی وجہ سے اسے جدید دور کا پہلا باضابطہ بین الاقوامی کھیلوں کا ایونٹ بھی تصور کیا جاتا ہے۔
یہ بات قابلِ ذکر ہے کہ 1844 میں امریکہ اور کینیڈا کے درمیان نیویارک میں کھیلے جانے والا میچ کو بعض اوقات وسیع تر معنوں میں "پہلا بین الاقوامی کرکٹ میچ” کہا جاتا ہے۔ تاہم، یہ مقابلہ غیر ٹیسٹ ممالک کی ٹیموں کے درمیان تھا، اس لیے آئی سی سی (ICC) کی جدید ریکارڈز اور ٹیسٹ، ون ڈے (ODI) اور ٹی20 انٹرنیشنل (T20I) کرکٹ کی تاریخ کے تناظر میں اسے سرکاری بین الاقوامی کرکٹ کا آغاز نہیں سمجھا جاتا۔
اس کے برعکس، 1877 میں آسٹریلیا اور انگلینڈ کے درمیان کھیلا جانے والا میچ اس بین الاقوامی کرکٹ کا آغاز تصور کیا جاتا ہے جس میں بعد ازاں بڑی ٹیسٹ کھیلنے والی ٹیمیں شامل ہوئیں۔ مزید یہ کہ آئی سی سی (جس کا ابتدائی نام امپیریل کرکٹ کانفرنس تھا) 1909 میں قائم ہوئی، یعنی یہ ادارہ 1844 اور 1877 کے دونوں مقابلوں کے کافی عرصے بعد وجود میں آیا۔
امریکہ میں کرکٹ یا بیس بال
اگرچہ بعد میں امریکہ میں بیس بال تیزی سے مقبول ہو گئی اور کرکٹ پس منظر میں چلی گئی، جبکہ کینیڈا میں بھی آئس ہاکی اور دیگر کھیلوں نے اس کی جگہ لے لی، تاہم حالیہ برسوں میں ٹی20 کرکٹ، میجر لیگ کرکٹ اور بین الاقوامی ٹورنامنٹس کی بدولت امریکہ میں ایک بار پھر کرکٹ کی مقبولیت میں نمایاں اضافہ دیکھنے میں آ رہا ہے۔
کرکٹ کی تاریخ کا یہ باب اس بات کی یاد دلاتا ہے کہ جس کھیل پر آج جنوبی ایشیا، آسٹریلیا اور انگلینڈ کی اجارہ داری نظر آتی ہے، اس کے پہلے بین الاقوامی مقابلے کے میزبان اور شرکا درحقیقت امریکہ اور کینیڈا تھے، جنہوں نے 1844 میں کرکٹ کی عالمی تاریخ کا پہلا باب رقم کیا۔
19 ویں صدی میں امریکہ میں ایجاد ہونے والا بیس بال، کرکٹ جیسا بلے اور گیند کے ساتھ کھیلا جانے والا ایک کھیل ہے۔ اسے اکثر ایک قومی تفریحی مشغلہ کہا جاتا ہے۔
تاہم بیس بال محض امریکی جنون ہی نہیں ہے۔ اس کھیل کے جذباتی کھلاڑی اور شائقین لاطینی امریکہ کے طول وعرض، جاپان اور جنوبی کوریا میں بھی موجود ہیں۔
آئی سی سی کا ریکارڈ اور پہلا ون ڈے اور ٹیسٹ میچ
1844 میں امریکہ اور کینیڈا کے درمیان نیویارک میں کھیلا جانے والا مقابلہ کرکٹ کی تاریخ کا پہلا باضابطہ بین الاقوامی میچ تصور کیا جاتا ہے۔ International Cricket Council اور کرکٹ کے مستند تاریخی ریکارڈ اسے بین الاقوامی کرکٹ کا نقطۂ آغاز قرار دیتے ہیں۔ تاہم، یہ نہ ٹیسٹ تھا اور نہ ہی ون ڈے، کیونکہ اس وقت ان دونوں فارمیٹس کا وجود نہیں تھا۔ یہ تین روزہ، دو اننگز پر مشتمل میچ تھا جس میں کینیڈا نے امریکہ کو 23 رنز سے شکست دی۔
مذید خبریں
سبز ہلالی لباس، سبز ٹوپی اور ہاتھ میں قومی جھنڈا، چاچا کرکٹ ریٹائر ہو گئے – urdureport.com
بعد ازاں کرکٹ کی تاریخ کا پہلا ٹیسٹ میچ first international test match in cricket history 1877 میں Australia national cricket team اور England cricket team کے درمیان Melbourne Cricket Ground میں کھیلا گیا، جس میں آسٹریلیا نے 45 رنز سے کامیابی حاصل کی۔ اس کے تقریباً 94 سال بعد 5 جنوری 1971 کو اسی میدان میں آسٹریلیا اور انگلینڈ کے درمیان پہلا ون ڈے انٹرنیشنل (ODI) میچ first one day international match in cricket history ہوا، جس میں آسٹریلیا نے پانچ وکٹوں سے فتح حاصل کر کے محدود اوورز کی بین الاقوامی کرکٹ کے نئے دور کا آغاز کیا۔
