پاکستان سپر لیگ (پی ایس ایل) کی فرنچائزز کے مالکان نے وزیراعظم شہباز شریف سے شائقین کو اسٹیڈیمز میں آنے کی اجازت دینے کی اپیل کر دی۔
واضح رہے کہ حکومت نے مشرق وسطیٰ تنازع کی وجہ سے پیدا شدہ صورتحال میں کفایت شعاری اقدامات کے تحت شائقین کے بغیر پی ایس ایل الیون کرانے کا فیصلہ کیا ہے۔
کراچی کنگز کے مالک سلمان اقبال نے شائقین کی غیرموجودگی پر ایکس پر جاری بیان میں کہاکہ لیگ کے آغاز سے اب تک اس کا حصہ رہنے کے باوجود خالی اسٹیڈیمز کا منظر دل کو دکھ پہنچاتا ہے۔
سلمان اقبال نے وزیر اعظم شہباز شریف سے اپیل کی ہے کہ شائقین کو دوبارہ اسٹیڈیم میں آنے کی اجازت دی جائے تاکہ کرکٹ کی رونقیں بحال ہو سکیں۔
As founding team owner who has been part of PSL since day one, it pains me to see empty stadiums.
I request the Honourable Prime Minister Shahbaz sharif @CMShehbaz to allow fans back into the stadium . @thePSLt20
Depends on public energy , so let the people be the part of the…— Salman Iqbal ARY (@Salman_ARY) March 27, 2026
ملتان سلطانز کے مالک گوہر شاہ نے کہاکہ ایک ہزار فیصد ہم شائقین کی واپسی چاہتے ہیں۔
لاہور قلندرز کے سی ای او عاطف رانا نے کہا کہ پی ایس ایل شائقین کے بغیر ادھورا ہے اور وزیر اعظم شہباز شریف اور وزیر اعلیٰ مریم نواز سے درخواست ہے کہ تماشائیوں کو اسٹیڈیم آنے کی اجازت دی جائے۔
PSL has grown into a celebration of cricket, powered by its people. But without fans, it feels incomplete. The fans are the true spirit of the Pakistan Super League. We respectfully urge Honourable Prime Minister @CMShehbaz CM Maryam Nawaz @MaryamNSharif @thePSLt20
to allow…— atifrana (@atifnaeemrana) March 27, 2026
حیدرآباد کنگزمین کے مالک فواد سرور نے بھی کہا کہ پہلے پی ایس ایل میں شائقین کی کمی محسوس ہو رہی ہے اور وہ مزید انتظار نہیں کر سکتے۔
اسلام آباد یونائیٹڈ کے مالک علی نقوی اور راولپنڈیز کے سی ای او احسن طاہر نے بھی وزیراعظم سے اپیل کی کہ شائقین کو اسٹیڈیم آنے کی اجازت دی جائے، اور ساتھ ہی کہا کہ وہ لوگ جو اسٹیڈیم آنے کی استطاعت رکھتے ہیں، ان کی مدد کر کے وہ بھی لوگوں کو کھیل کے لطف میں شریک کر سکیں جو یہ سہولت نہیں رکھ سکتے۔
پشاور زلمی کے مالک جاوید آفریدی نے اس موقع پر کہا کہ پی ایس ایل کروڑوں شائقین کے دلوں کی دھڑکن اور قوم کو متحد کرنے کا ذریعہ ہے، اس لیے شائقین کی واپسی قومی خوشی کے فروغ میں مددگار ثابت ہوگی۔
اس طرح فرنچائز مالکان نے متحد ہو کر اس بات پر زور دیا کہ شائقین کی موجودگی کے بغیر پی ایس ایل مکمل اور پرجوش نہیں ہو سکتا۔
یہ بھی پڑھئِے
