اربوں روپے کی منی لانڈرنگ کیس میں اداکار حمزہ علی عباسی کی بہن ٹک ٹاکر ڈاکٹر فضیلہ عباسی کی ایک لاکھ روپے کے مچلکوں پر عبوری ضمانت بحال کردی گئی۔
اسلام آباد ہائیکورٹ میں ڈاکٹر فضیلہ عباسی وکیل نعیم بخاری کے پیش ہوئیں۔
نعیم بخاری ایڈوکیٹ نے عدالت کو بتایا کہ ان کی موکلہ اس سے قبل تین بار ٹرائل کورٹ میں پیش ہو چکی ہیں۔
انہوں نے مزید کہا کہ ایک بار عدم پیشی پر انہوں نے تین روز کا میڈیکل سرٹیفکیٹ جمع کرایا تھا۔
عدالت نے قبول کرنے کے بجائے عدالت نے ان کی ضمانت خارج کر دی تھی۔
اسلام آباد ہائیکورٹ نے دلائل سننے کے بعد ڈاکٹر فضیلہ عباسی کی عبوری ضمانت بحال کر دی۔عدالت نے ان کو ہدایت کی کہ وہ دوبارہ ٹرائل کورٹ سے رجوع کریں۔
عدالت نے رجسٹرا آفس کو مچلکوں کے عوض گرفتاری سے روکنے کا حکم جاری کیا۔
واضح رہے کہ ڈاکٹر فضیلہ عباسی ایف آئی اے کو منی لانڈرنگ کے ایک ہائی پروفائل کیس میں مطلوب ہیں۔
ان پر بیرونِ ملک بھاری رقوم منتقل کرنے کے الزامات ہیں۔ ٹرائل کورٹ کی جانب سے ضمانت منسوخی کے بعد انہوں نے گرفتاری سے بچنے کے لیے ہائیکورٹ سے رجوع کیا تھا۔
یہ بھی پڑھئِے
