اسلام آباد: وفاقی دارالحکومت میں 14 اگست یومِ آزادی کے موقع پر آج ایک بڑے جشن کا اہتمام کیا جا رہا ہے، جس میں شہری اپنے اہل خانہ اور دوستوں کے ہمراہ شرکت کر سکیں گے۔
Join the City Parade 2026, Old Parade Ground, D-Chowk 14 Aug 2026 from 5:00 PM onwards for a grand celebration of "Unity in Diversity." pic.twitter.com/IZmMGWviiw
— Capital Development Authority – CDA, Islamabad (@CDAthecapital) August 12, 2026
تقریب ڈی چوک اسلام آباد میں شام 5 بجے سے شروع ہوگی، جبکہ شہریوں کے لیے داخلہ بالکل مفت رکھا گیا ہے۔
جشنِ آزادی کی تقریب میں معروف فنکار نمرہ مہرا، ساحر علی بگا اور خرم ایاز بینڈ اپنے فن کا مظاہرہ کریں گے۔
اس کے علاوہ تقریب میں ڈھول پرفارمرز، رفیع پیر کے میسکوٹس، پائپ اور پرکشن بینڈز، اونٹ بینڈ سمیت مختلف تفریحی پروگرام بھی پیش کیے جائیں گے۔
تقریب میں آتش بازی
تقریب کے اختتام پر شاندار آتش بازی کا مظاہرہ بھی کیا جائے گا، جس سے یومِ آزادی کی تقریبات کو مزید یادگار بنایا جائے گا۔
منتظمین نے شہریوں کو دعوت دی ہے کہ وہ اپنے اہل خانہ اور دوستوں کے ہمراہ ڈی چوک پہنچیں اور پاکستان کے 79ویں یومِ آزادی کی خوشیوں میں شریک ہوں۔
