اردو رپورٹ ڈیسک
ہری پور میں 15 روز سے لاپتہ 5 سالہ بچی آیت نور کی لاش یونیورسٹی روڈ پر واقع ایک ویئر ہاؤس کے کنویں سے برآمد کرلی گئی۔
پولیس کے مطابق بچی گھر کے باہر کھیلتے ہوئے لاپتہ ہوئی تھی، جس کے بعد اہل خانہ نے اس کی تلاش شروع کی۔ طویل تلاش کے بعد بچی کی لاش ویئر ہاؤس کے کنویں سے ملی۔
یہ ہری پور کے مناظر ہیں، جہاں معصوم بچی آیت نور کی نمازِ جنازہ کے موقع پر لوگ اس دل دہلا دینے والے ظلم کے خلاف سراپا احتجاج ہیں۔ سوگواروں اور شہریوں کی جانب سے شدید غم و غصے کا اظہار کیا جا رہا ہے جبکہ ملزمان کو سخت ترین سزا دینے کا مطالبہ بھی کیا جا رہا ہے۔ pic.twitter.com/LQmxOt554L
— Tariq Iqbal Chaudhry (@ChoudhryTariq) August 24, 2026
پولیس کی تفتیش
پولیس کا کہنا ہے کہ کیس کی تفتیش کے دوران 3 مشتبہ ملزمان کو گرفتار کیا گیا، جنہوں نے مجسٹریٹ کے سامنے مبینہ طور پر بچی کے ساتھ زیادتی اور اسے قتل کرنے کا اعتراف کیا۔
پولیس کے مطابق ملزمان نے مبینہ طور پر بچی کو قتل کرنے کے بعد لاش کنویں میں پھینک دی تھی۔
حکام کے مطابق گرفتار ملزمان میں سے 2 کو جیل بھیج دیا گیا ہے جبکہ ایک ملزم پولیس کی حراست میں ہے، جس سے مزید تفتیش جاری ہے۔
مزید شواہد
پولیس کا کہنا ہے کہ واقعے کی مزید تحقیقات کی جا رہی ہیں اور کیس میں شواہد اکٹھے کیے جا رہے ہیں۔
پولیس کے مطابق بچی کو تین اوباشوں نے اغوا کیا اور مبینہ زیادتی کے بعد لاش غائب کردی جو کچھ دیر قبل یونیورسٹی روڈ کے ایک ویران کنویں سے دریافت ہوئی ہے ۔
