امریکی صدر ڈونلڈ ٹرمپ نے پاکستانی قیادت کی درخواست پر ایران پر حملے نہ کرنے کی ڈیڈ لائن میں غیعنہ مدت تک توسیع کر دی ہے۔
امریکی صدر کا مزید کہنا ہے کہ پاکستانی قیادت نے ہم سے کہا ہے کہ ایران پر حملہ نہ کریں۔
سماجی رابطے کے پلیٹ فارم ایکس پر جاری بیان میں ٹرمپ نے کہا کہ جنگ بندی میں تب تک توسیع کررہے ہیں جب تک بات چیت کا عمل مکمل نہیں ہوجاتا۔
انہوں نے کہا کہ وزیراعظم شہباز شریف اور فیلڈ مارشل عاصم منیر نے ہم سے ایرانی قیادت کی متفقہ تجاویز آنے تک حملے روکنے کا کہا ہے۔
ٹرمپ کا کہنا تھا کہ میں نے اپنی فوج کو ہدایت دی ہے کہ ناکا بندی جاری رکھے اور ہر لحاظ سے تیار رہے
دوسری جانب پاکستان کے وزیر اعظم شہباز شریف کا کہنا ہے کہ پاکستان تنازعات کے مذاکراتی حل کے لیے اپنی بھرپور کوششیں جاری رکھے گا۔
انہوں نے کہا کہ پاکستان کی جنگ بندی کی درخواست کو قبول کرنے پرصدر ٹرمپ کا شکریہ۔
یہ بھی پڑھئیے
