اسلام آباد: وفاقی دارالحکومت کے علاقے جناح گارڈنز کیپٹل انکلیو میں واقع امارت بلڈنگ کے 13ویں فلور پر قائم مونال ہوٹل میں ایک نوجوان لڑکی کی ہلاکت کا افسوسناک واقعہ پیش آیا ہے، جس کے بعد علاقے میں تشویش کی لہر دوڑ گئی۔ پولیس نے واقعے کی تحقیقات شروع کرتے ہوئے مختلف پہلوؤں کا جائزہ لینا شروع کر دیا ہے۔
ابتدائی اطلاعات کے مطابق نوجوان لڑکی ایک نوجوان کے ہمراہ ہوٹل میں کھانا کھانے آئی تھی۔ ذرائع کا کہنا ہے کہ دورانِ کھانا دونوں کے درمیان کسی بات پر تلخ کلامی اور جھگڑا ہوا۔ عینی شاہدین اور ابتدائی معلومات کے مطابق جھگڑے کے بعد لڑکی نے مبینہ طور پر ہوٹل کی کھڑکی سے چھلانگ لگا دی جس کے نتیجے میں وہ موقع پر ہی جاں بحق ہوگئی۔
واقعے کی اطلاع ملتے ہی متعلقہ تھانے کی پولیس، ریسکیو ٹیمیں اور دیگر قانون نافذ کرنے والے اداروں کے اہلکار موقع پر پہنچ گئے۔ پولیس نے جائے وقوعہ کو گھیرے میں لے کر شواہد اکٹھے کیے جبکہ لاش کو قانونی کارروائی اور پوسٹ مارٹم کے لیے اسپتال منتقل کر دیا گیا۔
زیر تعمیر امارات بلڈنگ مین مونال
اس بارئے یہ سوالات جنم لے رپے ہیں کہ پی ڈبلیو ڈی اسلام آباد کے سامنے جناح گارڈن سوسائٹی میں واقع امارات بلڈنگ میں اس بڑی اور مہنگی فوڈ چین مونال کو کام کی اجازت کس نے دی اور کیسے مل گئے جہاں ابھی مکمل سییورٹی فیچر نہیں امارات بلڈنگ جس کی چھت پر مونال قائم ہے وہ ابھی زیر تعمیر ہے۔
سوشل میڈیا پر واقعے سے متعلق مختلف قیاس آرائیاں گردش کر رہی ہیں، تاہم پولیس نے عوام سے اپیل کی ہے کہ تحقیقات مکمل ہونے سے قبل غیر مصدقہ اطلاعات پھیلانے سے گریز کیا جائے اور قانون نافذ کرنے والے اداروں کو حقائق تک پہنچنے کا موقع دیا جائے۔
پولیس کا کہنا ہے کہ تفتیش جاری ہے اور شواہد کی روشنی میں مزید قانونی کارروائی عمل میں لائی جائے گی۔ واقعے کے تمام پہلوؤں کو مدنظر رکھتے ہوئے تحقیقات کو آگے بڑھایا جا رہا ہے تاکہ اصل حقائق سامنے لائے جا سکیں۔
واقعہ کی اصل وجوہات
تحقیقات میں یہ جاننے کی کوشش کی جا رہی ہے کہ آیا واقعہ محض جذباتی ردعمل کا نتیجہ تھا یا اس کے پسِ پردہ کوئی اور عوامل کارفرما تھے۔ پولیس حکام کا کہنا ہے کہ فرانزک شواہد، پوسٹ مارٹم رپورٹ اور ڈیجیٹل ریکارڈ کی روشنی میں ہی واقعے کی اصل حقیقت سامنے آ سکے گی۔
مذید خبریں
برطانیہ ! 15 ملزمان کو کمسن لڑکی سے زیادتی کیس میں 188 سال قید – urdureport.com
لاھور 18 سالہ گھریلو ملازمہ عائشہ زیادتی کیس میں نیا موڑ،ریکارڈ طلب – urdureport.com
پولیس ذرائع کے مطابق واقعے کو فی الحال خودکشی قرار دینا قبل از وقت ہوگا، کیونکہ تفتیشی ٹیم تمام ممکنہ پہلوؤں کا باریک بینی سے جائزہ لے رہی ہے۔ ہوٹل میں نصب سی سی ٹی وی کیمروں کی فوٹیج حاصل کر لی گئی ہے جبکہ واقعے کے وقت موجود عملے، عینی شاہدین اور لڑکی کے ساتھ موجود نوجوان کے بیانات بھی قلمبند کیے جا رہے ہیں۔
