ملک میں توانائی بحران کے دوران ایک بڑی پیشرفت سامنے آئی ہے جہاں او جی ڈی سی ایل نے خیبر پختونخوا کے ضلع کوہاٹ میں تیل اور گیس OIl and gas کے بڑے ذخائر کی دریافت کا اعلان کیا ہے۔
او جی ڈی سی کے ترجمان کے مطابق یہ دریافت نشپہ بلاک میں واقع بازگئی ایکس-1 کنویں سے ہوئی، جسے پاکستان کے لیے ایک بڑی کامیابی قرار دیا جا رہا ہے۔
ترجمان کے مطابق نشپہ بلاک کے بازگئی ایکس-1 کنویں سے یومیہ 15,005 بیرل تیل اور 45.36 ملین اسٹینڈرڈ کیوبک فٹ گیس حاصل ہو رہی ہے، جسے ایک اہم کامیابی قرار دیا جا رہا ہے۔
کمپنی کے مطابق 2028 تک پیداوار میں مزید اضافہ کیا جائے گا، جبکہ حکومت نے اسے توانائی کے شعبے میں ایک اہم سنگ میل قرار دیا ہے جس سے درآمدی ایندھن پر انحصار کم ہونے کی توقع ہے۔
کمپنی نے ہدف مقرر کیا ہے کہ سنہ 2028 تک تیل کی پیداوار کو بڑھا کر 25,000 بیرل یومیہ ،گیس کی پیداوار 60 ملین اسٹینڈرڈ کیوبک فٹ یومیہ اور ایل پی جی کی پیداوار بھی بڑھا کر 200 میٹرک ٹن یومیہ تک کرنے کا ہدف رکھا گیا ہے۔
یہ بھی پڑھئِں
