پاکستان اور آسٹریلیا نیشنل کرکٹ ٹیم کے خلاف آئندہ ماہ شیڈول تین ایک روزہ میچوں کی سیریز کے لیے ٹکٹوں کی فروخت کا باضابطہ شیڈول جاری کردیا۔
پی سی بی کے اعلامیے کے مطابق شائقین 22 مئی بروز جمعہ سے آن لائن اور مقررہ مراکز سے ٹکٹیں خرید سکیں گے۔ آن لائن بکنگ دوپہر ایک بجے سے پی سی بی کی ٹکٹنگ ویب سائٹ pcb.tcs.com.pk پر دستیاب ہوگی، جبکہ فزیکل ٹکٹوں کے لیے لاہور، راولپنڈی اور اسلام آباد میں قائم 16 نامزد ٹی سی ایس ایکسپریس سینٹرز سے رجوع کیا جاسکے گا۔
کرکٹ شائقین کی سہولت کے پیشِ نظر لاہور میں 8، راولپنڈی میں 5 جبکہ اسلام آباد میں 3 سینٹرز مختص کیے گئے ہیں تاکہ مداح آسانی سے ٹکٹ حاصل کرسکیں۔
مذید پڑھئیں
دنیا کرکٹ کے سابق کپتانوں نے عمران خان کے حق میں بڑی اپیل کر دی،خط ارسال – urdureport.com
پاکستان اور آسٹریلیا کے درمیان ون ڈے سیریز کا پہلا میچ 30 مئی کو Rawalpindi Cricket Stadium میں کھیلا جائے گا۔ اس کے بعد دونوں ٹیمیں لاہور روانہ ہوں گی جہاں دوسرا اور تیسرا ون ڈے بالترتیب 2 اور 4 جون کو Gaddafi Stadium میں ہوگا۔
پی سی بی کے مطابق تینوں میچز شام 4 بج کر 30 منٹ پر شروع ہوں گے۔ بورڈ کا کہنا ہے کہ شائقین کو اسٹیڈیم لانے اور کرکٹ کے فروغ کے مقصد سے ٹکٹوں کی قیمتیں انتہائی مناسب رکھی گئی ہیں، جن کی ابتدائی قیمت صرف 200 روپے مقرر کی گئی ہے۔
