اردو رپورٹ ڈیسک
وزارت مذہبی امور کے مطابق پرائیویٹ حج اسکیم کے تحت اب تک 7,600 عازمین بکنگ کرا چکے ہیں۔ پاک حج ایپلی کیشن اور پورٹل کے ذریعے بکنگ کا سلسلہ جاری ہے۔
ترجمان وزارت مذہبی امور کے مطابق حج پورٹل کے ذریعے 25 منظم حج کمپنیوں کو 6 ارب 88 کروڑ روپے موصول ہو چکے ہیں۔
پرائیویٹ حج اسکیم نشستیں
پرائیویٹ حج اسکیم کے تحت 64 ہزار نشستیں اب بھی دستیاب ہیں، جبکہ بکنگ کی آخری تاریخ 20 نومبر مقرر کی گئی ہے۔
پرائیویٹ حج اسکیم کے لیے رجسٹرڈ 25 منظم کمپنیوں نے عازمین کے لیے 2,000 سے زائد مختلف حج پیکجز متعارف کرائے ہیں۔
عازمین پاک حج ایپلی کیشن اور پورٹل کے ذریعے مقررہ تاریخ تک اپنی بکنگ کرا سکتے ہیں۔
