حکومت پنجاب آج مالی سال 2026-27 کا بجٹ پنجاب اسمبلی میں پیش کرے گی، جس کا کل حجم 5 کھرب روپے سے زیادہ متوقع ہے۔ بجٹ میں ترقیاتی منصوبوں، عوامی فلاحی اقدامات اور مختلف شعبوں کے لیے مالی وسائل مختص کیے جانے کا امکان ہے۔
بجٹ اجلاس بلانے کے لیے محکمہ خزانہ نے محکمہ قانون کو باضابطہ طور پر درخواست ارسال کر دی ہے۔ قانونی تقاضے مکمل ہونے کے بعد محکمہ قانون اجلاس طلب کرنے کی سفارش گورنر پنجاب کو بھیجے گا، جس کے بعد اسمبلی سیشن کے انعقاد کا باقاعدہ نوٹیفکیشن جاری کیا جائے گا۔
ادھر صوبائی کابینہ کا خصوصی اجلاس بھی طلب کر لیا گیا ہے جس میں آئندہ مالی سال کے بجٹ مسودے کا جائزہ لے کر اس کی منظوری دی جائے گی۔ کابینہ کی منظوری کے بعد بجٹ دستاویزات پنجاب اسمبلی میں پیش کی جائیں گی۔
مذید خبریں
سرکاری ذرائع کے مطابق نئے بجٹ میں ترقیاتی منصوبوں، عوامی سہولتوں میں اضافے اور معاشی سرگرمیوں کے فروغ کے لیے مختلف تجاویز اور اقدامات شامل کیے جانے کا امکان ہے۔
