لاہور: سوشل میڈیا شخصیت اور ٹک ٹاکر کاشف ضمیر ایک بار پھر قانونی تنازع کا شکار ہو گئے ہیں۔ اس مرتبہ ان پر محکمہ انسدادِ دہشت گردی (سی ٹی ڈی) کے ایک اہلکار کو بیرون ملک ملازمت اور ویزے کا جھانسہ دے کر لاکھوں روپے وصول کرنے کا الزام عائد کیا گیا ہے، جس کے بعد ان کے خلاف دو مقدمات درج کر لیے گئے ہیں۔
درخواست گزار، جو سی ٹی ڈی میں اہلکار ہیں، کا کہنا ہے کہ ان کی کاشف ضمیر سے سوشل میڈیا کے ذریعے جان پہچان ہوئی۔ بعد ازاں ملاقاتوں اور گفتگو کے دوران انہیں اٹلی میں بہتر مستقبل اور پرکشش ملازمت کی یقین دہانی کرائی گئی۔
مدعی کے مطابق کاشف ضمیر kashif Zameer نے دعویٰ کیا کہ وہ مختصر وقت میں ویزے اور دیگر سفری معاملات مکمل کروا کر انہیں اٹلی بھجوا سکتے ہیں، جس کے لیے تقریباً 20 لاکھ روپے اخراجات بتائے گئے۔ ان کا کہنا ہے کہ مطلوبہ رقم ادا کرنے کے باوجود نہ انہیں بیرون ملک بھیجا گیا اور نہ ہی رقم واپس کی گئی۔
رقم کی واپسی کا مطالبہ
شکایت کنندہ کے مطابق متعدد بار رقم کی واپسی کا مطالبہ کیا گیا، تاہم کامیابی نہ ملنے پر لاہور میں دو الگ مقدمات درج کروائے گئے۔ ان کا دعویٰ ہے کہ اب تک ادا کی گئی رقم میں سے کچھ بھی واپس نہیں ملا۔
مذید خبریں
ریحان طارق کو کیوں پکڑا :بڑی وجہ سامنے آگئی – urdureport.com
وسیم عباس نے صبا حمید سے طلاق کی تصدیق کردی، 29 سالہ رشتہ ختم – urdureport.com
دوسری جانب کاشف ضمیر نے الزامات کو مسترد کرتے ہوئے مؤقف اختیار کیا ہے کہ درخواست گزار انہیں بلیک میل کر رہا ہے۔ ان کے مطابق انہوں نے متعلقہ مقدمات میں عدالت سے قبل از گرفتاری ضمانت حاصل کر رکھی ہے اور وہ قانونی کارروائی کے ذریعے اپنی بے گناہی ثابت کریں گے۔
پولیس کا موقف
پولیس حکام کا کہنا ہے کہ شہری کی شکایت موصول ہونے پر قانون کے مطابق مقدمات درج کیے گئے ہیں اور معاملے کی تحقیقات جاری ہیں۔ حکام کے مطابق شواہد کی روشنی میں مزید قانونی کارروائی عمل میں لائی جائے گی۔
واضح رہے کہ کاشف ضمیر اس سے قبل بھی مختلف تنازعات اور مقدمات کے باعث خبروں میں رہ چکے ہیں۔ تاہم موجودہ کیس میں لگائے گئے الزامات تاحال عدالت میں ثابت نہیں ہوئے اور حتمی فیصلہ عدالتی کارروائی مکمل ہونے کے بعد ہی سامنے آئے گا۔
