وفاقی وزیر برائے مواصلات عبدالعلیم خان نے پنجاب میں موٹروے نیٹ ورک کی توسیع کے لیے دو نئے چھ لین موٹروے سیکشنز کی تعمیر کی ہدایت جاری کر دی ہے۔
ذرائع کے مطابق انہوں نے ہدایت کی ہے کہ سیالکوٹ-کھاریاں اور کھاریاں-راولپنڈی سیکشنز کو چھ لین موٹروے کے طور پر تعمیر کیا جائے۔ یہ ہدایات نیشنل ہائی وے اتھارٹی (NHA) کے جائزہ اجلاس کے دوران دی گئیں، جس میں سیکریٹری مواصلات اور چیئرمین این ایچ اے سمیت اعلیٰ حکام شریک تھے۔
اجلاس میں وزیر مواصلات نے ملک میں ٹرانسپورٹ انفراسٹرکچر کی بہتری اور اہم شاہراہوں کے منصوبوں میں تیزی لانے پر زور دیا۔ انہوں نے ہدایت کی کہ تمام منصوبوں کی فزیبلٹی اسٹڈیز میں مکمل تکنیکی معیار اور درستگی کو یقینی بنایا جائے تاکہ کسی قسم کی خامیوں سے بچا جا سکے۔
مذید پڑھئِے
ننکانہ صاحب سے کرتار پور تک موٹروے“گرو نانک ایکسپریس وےکی فوری تعمیر – urdureport.com
وزیر نے مختلف ترقیاتی منصوبوں میں تاخیر پر برہمی کا اظہار کرتے ہوئے کہا کہ قومی اہمیت کے منصوبوں کو بروقت مکمل کرنا حکومت کی اولین ترجیح ہے، کیونکہ یہ منصوبے معیشت اور عوامی سہولت دونوں کے لیے انتہائی اہم ہیں۔
