پاکستانی شوبز انڈسٹری کی معروف اداکارہ نمرہ خان نے اپنی زندگی کے نئے سفر کا آغاز کرتے ہوئے دوسری شادی کی خوشخبری مداحوں کے ساتھ شیئر کر دی۔
اداکارہ نے سوشل میڈیا پر نکاح کی تصویر پوسٹ کی، جس کے بعد مداحوں اور ساتھی فنکاروں کی جانب سے انہیں مبارکباد کے پیغامات موصول ہو رہے ہیں۔
اداکارہ نمرہ خان Nimra Khan کی جانب سے شیئر کی گئی تصویر میں ان کے شریکِ حیات کا چہرہ نمایاں نہیں کیا گیا، جس سے انہوں نے اپنی نجی زندگی کو محدود رکھنے کی خواہش ظاہر کی۔ تصویر کے ساتھ انہوں نے ایک جذباتی پیغام تحریر کیا کہ بعض کہانیاں اللہ تعالیٰ پہلے ہی لکھ دیتا ہے اور ان کی زندگی کے اس نئے باب کا آغاز بھی اسی خوبصورت تقدیر کا حصہ ہے۔
اس کے علاوہ Eiffel Tower کے سامنے لی گئی ایک یادگار تصویر بھی شیئر کی گئی، جس کے ساتھ اداکارہ نمرہ خان نے اپنی خوشی کا اظہار کرتے ہوئے لکھا کہ ان کی محبت کی داستان ان کی ملاقات سے بہت پہلے لکھی جا چکی تھی، اور اب وہ اسے حقیقت میں جینا شروع کر رہے ہیں۔
نمرہ خان پاکستان کی ڈرامہ انڈسٹری کا ایک نمایاں نام ہیں اور وہ Aey Musht-e-Khaak، Ihram-e-Junoon، Uraan اور Baaghi سمیت کئی مقبول ڈراموں میں اپنی اداکاری سے ناظرین کی توجہ حاصل کر چکی ہیں۔
یہ بھی پڑھئِے
