لیونل میسی نے فیفا ورلڈ کپ 2026 کے اپنے پہلے میچ میں شاندار کارکردگی دکھاتے ہوئے الجزائر کے خلاف ہیٹ ٹرک اسکور کی اور ارجنٹینا کو فتح دلائی، تاہم اس کارکردگی نے صرف میچ کا نتیجہ ہی نہیں بدلا بلکہ فٹبال دنیا میں ایک نئی بحث کو بھی جنم دیا۔
اس میچ میں میسی نے اپنے کیریئر کا 200 واں بین الاقوامی میچ کھیلتے ہوئے عالمی کپ فائنلز میں اپنے گولز کی تعداد 16 تک پہنچا دی، جس کے ساتھ وہ تاریخ کے سب سے زیادہ ورلڈ کپ گول کرنے والوں میں شامل ہو گئے اور جرمنی کے میروسلاو کلوزے کے برابر آ گئے۔ یہ ان کا ورلڈ کپ میں پہلا ہیٹ ٹرک تھا۔
امریکہ کے کنساس سٹی میں کھیلے گئے اس میچ میں میسی نے 17 ویں منٹ میں پہلا گول کیا، پھر دوسرے ہاف میں مزید دو گول کر کے اپنی ہیٹ ٹرک مکمل کی۔ ارجنٹینا نے دفاعی چیمپیئن کی حیثیت سے اپنے افتتاحی میچ میں شاندار آغاز کیا۔
میچ کے دوران ایک موقع پر میسی اور الجزائر کے کھلاڑی عیسیٰ مانڈی کے درمیان سخت ٹکر بھی ہوئی، تاہم وہ کھیل جاری رکھنے میں کامیاب رہے۔ بعد میں میسی نے ہی ایک غلطی سے فائدہ اٹھا کر دوسرا گول کیا اور پھر شاندار شاٹ کے ذریعے تیسرا گول مکمل کیا۔
میسی کا ریکارڈ
میسی نے اس کارکردگی کے ساتھ نہ صرف اپنے ملک کو کامیابی دلائی بلکہ ایک اور ریکارڈ بھی اپنے نام کیا، کیونکہ وہ ورلڈ کپ ہیٹ ٹرک کرنے والے معمر ترین کھلاڑی بن گئے ہیں۔ یہ کارکردگی ان کے کیریئر کے اس مرحلے پر ان کی مستقل مزاجی اور اعلیٰ معیار کا ثبوت سمجھی جا رہی ہے۔
اس شاندار پرفارمنس کے بعد سوشل میڈیا پر بحث چھڑ گئی ہے۔ کچھ لوگ اسے ثابت کرتے ہیں کہ میسی ہی فٹبال کی تاریخ کے سب سے عظیم کھلاڑی ہیں، جبکہ کچھ ناقدین کا کہنا ہے کہ حتمی فیصلہ اس وقت ہوگا جب ارجنٹینا ورلڈ کپ جیتے گا۔
کئی شخصیات نے بھی میسی کی کارکردگی کو سراہتے ہوئے کہا کہ اب اس بحث میں زیادہ گنجائش باقی نہیں رہی کہ سب سے عظیم کھلاڑی کون ہے، جبکہ بعض ماہرین کا کہنا ہے کہ میسی کی اصل عظمت ان کی مستقل مزاجی اور بڑے میچز میں کارکردگی ہے۔اب بھی کچھ لوگوں کا خیال ہے کہ موجودہ دور میں رونالڈو دنیا فٹ بال کے عظیم کھلاڑی ہیں۔
مذید خبریں
فیفا ورلڈ کپ آغاز 2026: میسی اور رونالڈو کا آخری امتحان – urdureport.com
فیفا ورلڈ کپ:امریکہ نے ایرانی ٹیم کے لیے انوکھی شرط لگا دی – urdureport.com
میسی کی اس شاندار کارکردگی کے بعد ارجنٹینا کو گروپ مرحلے میں اگلے میچز کے لیے مضبوط امیدوار قرار دیا جا رہا ہے۔
