کیلیفورنیا: ٹیکنالوجی کمپنی میٹا نے اپنے مقبول پلیٹ فارمز انسٹاگرام اور واٹس ایپ کے لیے ایک جدید مصنوعی ذہانت (AI) فیچر متعارف کرایا ہے، جس کی مدد سے صارفین صرف تحریری ہدایات یا سادہ اسکیچ کے ذریعے نئی تصاویر تخلیق کرنے اور موجودہ تصاویر میں آسانی سے تبدیلی کرنے کے قابل ہوں گے۔
کمپنی کے مطابق "Muse Image” نامی یہ جدید جنریٹو اے آئی ٹول Meta Superintelligence Lab نے تیار کیا ہے اور اسے بتدریج Meta AI چیٹ بوٹ کا حصہ بنایا جا رہا ہے۔
میٹا کا کہنا ہے کہ یہ فیچر صارفین کے تخلیقی خیالات کو حقیقت کا روپ دینے میں معاون ثابت ہوگا۔ صارف صرف الفاظ میں اپنی مطلوبہ تصویر یا تبدیلی کی وضاحت کرے گا، جبکہ باقی تمام عمل مصنوعی ذہانت خود مکمل کرے گی۔
تصویر ڈاون لود اور شئیرنگ آپشن
اس فیچر کے ذریعے تیار کی جانے والی تصاویر کو نہ صرف ڈاؤن لوڈ کیا جا سکے گا بلکہ انہیں براہِ راست انسٹاگرام کی فیڈ، اسٹوریز یا واٹس ایپ چیٹس میں بھی شیئر کیا جا سکے گا۔
مذید خبریں
واٹس ایپ کا بڑا اپ ڈیٹ: اب موبائل نمبر شیئر کیے بغیر بھی رابطہ ممکن – urdureport.com
میٹا کے اے آئی سمارٹ گلاسز پرائیویسی تنازع، نجی اور برہنہ ویڈیوز بھی سامنے آگئیں – urdureport.com
کمپنی نے بتایا کہ انسٹاگرام اور واٹس ایپ کے دنیا بھر میں مجموعی طور پر 3 ارب سے زائد صارفین موجود ہیں، اسی لیے اس فیچر کو ابتدائی مرحلے میں چند منتخب ممالک میں متعارف کرایا جا رہا ہے۔ بعد ازاں اسے مرحلہ وار دیگر ممالک کے صارفین کے لیے بھی دستیاب کر دیا جائے گا۔
