ویڈیو شیئرنگ پلیٹ فارم یوٹیوب نے اپنے شارٹس (Shorts) فیچر کو مزید مؤثر بنانے کے لیے ایک اہم اپ ڈیٹ جاری کر دی ہے، جس کے تحت تخلیق کار اب مختصر ویڈیوز کے لیے اپنی مرضی کا کسٹم تھمب نیل (Custom Thumbnail) منتخب یا اپ لوڈ کر سکیں گے۔
کمپنی کا کہنا ہے کہ اس تبدیلی کا مقصد ویڈیو بنانے والوں کو اپنے مواد کو زیادہ پرکشش انداز میں پیش کرنے کا موقع فراہم کرنا ہے تاکہ شارٹس پر ناظرین کی توجہ اور ویوز میں اضافہ ہو سکے۔
یو ٹیوب پارٹنر پروگرام
ابتدائی مرحلے میں یہ فیچر صرف یوٹیوب پارٹنر پروگرام (YouTube Partner Program – YPP) سے منسلک تخلیق کاروں کے لیے جاری کیا جا رہا ہے، یعنی وہ صارفین جو یوٹیوب سے آمدنی حاصل کر رہے ہیں۔ اس کے علاوہ یوٹیوب اسٹوڈیو (YouTube Studio) کے ڈیسک ٹاپ ورژن کے ذریعے پہلے سے اپ لوڈ کی گئی شارٹس ویڈیوز کے تھمب نیلز میں بھی تبدیلی کی جا سکے گی۔
مذید خبریں
یوٹیوب نے فری صارفین کے لیے بیک گراؤنڈ ویڈیو چلانے کی سہولت ختم کر دی۔ – urdureport.com
یوٹیوب نے شارٹس میں متعدد اے آئی ٹولز متعارف کرادیے – urdureport.com
کمپیوٹر استعمال کرنے والے صارفین کو یوٹیوب کی جانب سے تجویز کردہ تین مختلف فریمز میں سے کسی ایک کو منتخب کرنے کا اختیار بھی ملے گا۔ موبائل صارفین بدستور ویڈیو کے کسی بھی فریم کو تھمب نیل کے طور پر منتخب کر سکیں گے۔ کمپنی کے مطابق مستقبل میں اس فیچر کو مرحلہ وار مزید صارفین تک توسیع دی جائے گی تاکہ زیادہ سے زیادہ تخلیق کار اس سہولت سے فائدہ اٹھا سکیں۔
