اردو رپورٹ ڈیسک
اسلام آباد:گوگل کے گلوبل افیئرز کے نائب صدر ولسن وائٹ نے اعلان کیا کہ پاکستان کے تمام طلبہ کے لیے Google Gemini کی سبسکرپشن ایک سال کے لیے مفت کر دی جائے گی۔
پاکستان میں وزیر اعظم شہباز شریف نے گوگل کے مقامی دفتر کا افتتاح کیا تو اس موقع پر گوگل کے گلوبل افیئرز کے نائب صدر ولسن وائٹ کی سربراہی میں نو رکنی وفد نے وزیراعظم سے ملاقات بھی کی۔
وزیراعظم آفس کے مطابق ملاقات میں پاکستان کی ڈیجیٹل معیشت، آئی ٹی برآمدات، نوجوانوں کے لیے ڈیجیٹل مہارتوں اور ٹیکنالوجی کے شعبے میں گوگل کے تعاون پر تبادلہ خیال کیا گیا۔ امریکی سفارتخانے کی ناظم الامور نٹالی بیکر بھی گوگل وفد کے ہمراہ موجود تھیں۔
طلبہ کے لیے جیمینائی ایک سال مفت
ولسن وائٹ نے اعلان کیا کہ پاکستان کے تمام طلبہ کے لیے Google Gemini کی سبسکرپشن ایک سال کے لیے مفت کر دی جائے گی۔
گوگل کے مطابق اس اقدام کا مقصد پاکستانی طلبہ کو جدید مصنوعی ذہانت کے ٹولز تک رسائی فراہم کرنا اور تعلیم، تحقیق اور ڈیجیٹل مہارتوں کے شعبے میں ان کے مواقع کو بڑھانا ہے۔
گوگل کے لیے پاکستان اہم مارکیٹ
گوگل کے نائب صدر ولسن وائٹ نے پاکستان میں کمپنی کے مقامی دفتر کے قیام کو اہم پیش رفت قرار دیتے ہوئے کہا کہ گوگل ایک دہائی سے زائد عرصے سے پاکستان میں سرمایہ کاری اور مختلف شعبوں میں تعاون کر رہا ہے۔
انہوں نے کہا کہ وزیراعظم شہباز شریف کا پاکستان کو 30 ارب ڈالر کی آئی ٹی برآمدات کا مرکز بنانے کا ہدف گوگل کے مقاصد سے ہم آہنگ ہے۔
ولسن وائٹ کے مطابق گوگل گزشتہ 10 برسوں کے دوران پاکستان کے مقامی کاروباروں اور گھرانوں کے لیے 3.9 ٹریلین روپے سے زائد کی معاشی سرگرمی میں معاونت کر چکا ہے، جبکہ اس دوران 9 لاکھ 60 ہزار سے زائد ملازمتوں کی معاونت ہوئی۔
انہوں نے بتایا کہ پاکستان میں آئی ٹی برآمدات کے فروغ کے لیے گوگل تین اہم شعبوں پر توجہ دے رہا ہے، جن میں پاکستانی افراد کی ڈیجیٹل صلاحیتوں میں سرمایہ کاری، ہارڈویئر برآمدات کے لیے مینوفیکچرنگ و انفراسٹرکچر اور مقامی کاروباری اداروں میں سرمایہ کاری شامل ہے۔
Islamabad : 18 August, 2026.
PM Shehbaz Sharif Meets Google Delegation to Discuss Digital Transformation; Inaugurates Google First Office in Pakistan to Boost Tech, Youth Upskilling.
A 9-member delegation of Google, led by Mr. Wilson White, Vice President for Government Affairs… pic.twitter.com/ztMadPpqdd
— Prime Minister's Office (@PakPMO) August 18, 2026
10 لاکھ سے زائد پاکستانیوں کو ڈیجیٹل تربیت
گوگل کے نمائندے نے بتایا کہ کمپنی نے کیریئر سرٹیفکیٹس، اسکولوں اور اساتذہ کے ساتھ مختلف پروگراموں کے ذریعے پاکستان میں 10 لاکھ سے زائد افراد کی ڈیجیٹل مہارتیں بہتر بنانے میں کردار ادا کیا ہے۔
ان کا کہنا تھا کہ پاکستان کی ڈیجیٹل تبدیلی کے اہداف اسی وقت حاصل کیے جا سکتے ہیں جب ملک کے عوام، بالخصوص نوجوانوں کی تعلیم اور ڈیجیٹل مہارتوں میں مناسب سرمایہ کاری کی جائے۔
مذید خبریں
میٹا کا نیا اے آئی فیچر :انسٹاگرام اور واٹس ایپ تحریر سے تصاویر بنایں – urdureport.com
ہارورڈ کے سائنس دانوں نے دور دراز زمین جیسے سیارے پر فضا دریافت کر لی – urdureport.com
