انگلینڈ سے میچ میں ناکامی کے بعد بعض شائقین نے قومی ٹیم کے کپتان سلمان علی آغا کے اہلِ خانہ کو سوشل میڈیا پر تنقید اور ہراسانی کا نشانہ بنانا شروع کر دیا۔
رپورٹس کے مطابق ان کی اہلیہ اور کمسن بیٹے کو نازیبا پیغامات موصول ہوئے۔
کپتان کی اہلیہ صبا نے انسٹاگرام اسٹوری میں ردعمل دیتے ہوئے کہا:
“مجھے یا میرے معصوم بیٹے کو گالیاں دینے سے آپ ورلڈکپ نہیں جیتیں گے۔”
کرکٹ حلقوں میں بھی اس رویے پر شدید تنقید کی جا رہی ہے اور سابق کھلاڑیوں نے کھلاڑیوں کے اہلِ خانہ کو نشانہ بنانے کو افسوسناک قرار دیا ہے۔
جنوبی افریقا کے معروف اسپنر Tabraiz Shamsi نے اپنے ایکس (سابقہ ٹوئٹر) اکاؤنٹ پر لکھا کہ اس قسم کا احمقانہ رویہ انتہائی پریشان کن ہے۔
انہوں نے کہا کہ ہار کا دکھ اپنی جگہ لیکن جیت اور ہار کھیل کا حصہ ہیں، کھلاڑیوں کے اہلِ خانہ کو گالیاں دینا کسی صورت درست نہیں۔
تبریز شمسی نے مختلف ممالک کے شائقین سے اپیل کی کہ وہ دوسروں کا احترام کریں اور کھیل کو کھیل کی حد تک رکھیں۔
یہ بھی پڑھئِے
