اسلام آباد: حکومت پاکستان نے عام شہریوں کے لیے انویسٹ پاک (Invest Pak) پورٹل متعارف کرا دیا ہے، جس کے ذریعے اب افراد صرف 5 ہزار روپے سے براہِ راست حکومتی بانڈز (Government Bonds) میں سرمایہ کاری کر سکتے ہیں۔
اس اقدام کا مقصد شہریوں کو محفوظ اور شفاف سرمایہ کاری کا موقع فراہم کرنا اور انہیں مالیاتی نظام میں زیادہ مؤثر انداز میں شامل کرنا ہے۔ اس پورٹل کے ذریعے سرمایہ کار بینک یا کسی مالیاتی بروکر کے بغیر بھی حکومت کی جانب سے جاری کردہ مخصوص بانڈز میں سرمایہ لگا سکیں گے۔
Launch of #InvestPak would usher in a new era of digital access and empowerment for investors across Pakistan; says Governor #SBP Jameel Ahmad at an event to formally launch InvestPak portal for investment in government securities.
Governor Jameel Ahmad described InvestPak as not… pic.twitter.com/UPRiCUafn0— SBP (@StateBank_Pak) July 7, 2026
انویسٹ پاک پورٹل کیسے کام کرتا ہے؟
حکومت کے مطابق، انویسٹ پاک ایک آن لائن پلیٹ فارم ہے جہاں اہل پاکستانی رجسٹریشن مکمل کرنے کے بعد دستیاب حکومتی بانڈز کا انتخاب کر کے اپنی سرمایہ کاری شروع کر سکتے ہیں۔
کم از کم کتنی سرمایہ کاری کی جا سکتی ہے؟
اس اسکیم کے تحت کم از کم 5 ہزار روپے سے سرمایہ کاری کی جا سکتی ہے، جبکہ سرمایہ کار اپنی مالی استطاعت کے مطابق زیادہ رقم بھی سرمایہ کاری کے لیے مختص کر سکتے ہیں۔
انویسٹ پاک پورٹل پر عام صارفین کی آسانی کے لیے مختلف اسمارٹ ٹولز ہیں، جن میں سے ایک ’فنانشل کیلکولیٹر‘ کی مدد سے صارف سرمایہ کاری سے قبل یہ چیک کر سکتا ہے کہ اسے منتخب کردہ مدت پر ٹیکس کٹنے کے بعد کتنا منافع ملے گا۔
اسی طرح ’رئیل ٹائم پورٹ فولیو ٹریکنگ‘ کے ذریعے صارف اپنی موبائل اسکرین پر ایک کلک سے جان سکتا ہے کہ اس کی کل کتنی رقم انویسٹ ہو چکی ہے، کتنا منافع مل چکا ہے اور اگلی قسط کب آئے گی۔
SBP just launched InvestPak so ordinary citizens can invest directly in government securities. Very on brand for a country where the government has spent decades quietly borrowing from us, except now it's official and comes with an app. Jokes aside, here's the breakdown
(1/n)— Anam Saeed (@MissAnamSaeed) July 8, 2026
سرمایہ کاروں کو کیا فوائد حاصل ہوں گے؟
اس پورٹل کے ذریعے سرمایہ کاری کرنے والوں کو حکومت کی جانب سے جاری کردہ بانڈز پر مقررہ منافع حاصل ہوگا۔ اس کے علاوہ سرمایہ کاری کا پورا عمل ڈیجیٹل ہونے کے باعث شفافیت اور آسان رسائی کو بھی یقینی بنایا گیا ہے۔
ماہرین کے مطابق یہ اقدام نہ صرف عام شہریوں میں بچت اور سرمایہ کاری کے رجحان کو فروغ دے گا بلکہ حکومت کے لیے بھی مقامی سطح پر سرمایہ اکٹھا کرنے کا ایک مؤثر ذریعہ ثابت ہو سکتا ہے۔
مذید خبریں
