پیٹرول مہنگا ہونے پر موٹرسائیکل سواروں کے لیے ماہانہ ریلیف کی تجویز

اردو رپورٹ ڈیسک

پیٹرولیم مصنوعات کی قیمتوں میں مسلسل اضافے کے بعد حکومت نے موٹرسائیکل سواروں کو ریلیف دینے کے لیے ایک مجوزہ اسکیم پر کام شروع کردیا ہے۔

ذرائع کے مطابق وزیراعظم کی ہدایت پر وزارتِ پیٹرولیم اور وزارتِ خزانہ نے ابتدائی طور پر تین ماہ کے لیے ہر موٹرسائیکل سوار کو ماہانہ 2 ہزار روپے دینے کی تجویز کا جائزہ لینا شروع کیا ہے۔

ریلیف کی ممکنہ فراہمی

مجوزہ منصوبے کے تحت مالی امداد فیول ایپ کے ذریعے فراہم کرنے کی تجویز زیرِ غور ہے۔ ذرائع کا کہنا ہے کہ ماہانہ 2 ہزار روپے کی رقم سے تقریباً 5 لیٹر پیٹرول خریدا جا سکے گا۔

تاہم وزارتِ خزانہ نے عالمی مالیاتی فنڈ کی شرائط کے باعث پیٹرولیم لیوی میں کمی اور 430 ارب روپے کے ہنگامی فنڈ سے رقم استعمال کرنے کی تجاویز مسترد کردی ہیں۔